Oppo F9 Pro With VOOC Fast Charging Support Coming Soon To India

Oppo Find X ko launch karne ke baad, ab jaldi hi Oppo India mein new smartphone launch karne ki taiyaari mein hai jiska naam hai Oppo F9 Pro. Oppo India ki taraf se is smartphone ka first teaser bhi aa chuka hai jismein tag line hai “The breaking new vision” jo ek behtareen display ki taraf ishara karti hai.

Is teaser ke aane se pehle Oppo F9 Pro ko Bluetooth certification site par bhi dekha gaya hai. Halaanki ye smartphone India mein August mein aa sakta hai, lekin iska regular variant Oppo F9, jiska teaser Malaysia mein launch kiya gaya, India mein aayega ya nahin, ye kehna mushkil hai.

Saath hi aaj Oppo F9 Pro ka ek aur feature teaser ke zariye saamne aaya hai jisse pata chala hai ki ye VOOC fast charging ke saath aayega, jo aapko kewal five minutes ki charging mein 2 hours ka battery backup deta hai. Iske alawa Oppo F9 aur F9 Pro kaafi small notch ke saath launch kiye jayenge jismein kewal front camera diya gaya hai. Iske alawa F9 Pro ke teaser mein ye bhi saaf dikh raha hai ki ismein horizontally dual rear cameras fit kiye gaye hain.

Saath hi Oppo F9 Pro ek water proof body ke saath aane waala hai, lekin IP rating ko lekar abhi koi information company ki taraf se nahin aayi hai. Saath hi Oppo ka ek aur smartphone R17 bhi in dinon certification sites par dekha gaya hai aur iska design bhi F9 Pro ke similar hi hai.

Company ka China mein upcoming smartphone hai R17 aur ye bhi jaldi hi launch hone waala hai. Aur expect ye bhi kiya jaa raha hai Oppo R17 bhi China mein launch hona hai, jiske baad hi India mein Oppo ke F9 Pro se parda uthega.

Iske alawa Oppo ki F-series apne AI selfie cameras ke liye jaani jaati hai, ab F9 Pro bhi is feature ke saath aata hai ya nahin, ye jaanne ke liye thoda intezaar karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: