Oppo F9 Aur F9 Pro India Mein Launch Huye; Price, Specifications And Availability

Oppo ne bhi aaj Mumbai, India mein ek launch event host kiya hai, jismein mid-range smartphones Oppo F9 aur F9 Pro ko launch kiya gaya. Oppo F9 Pro ke color options to pehle hi reveal ho chuke hain – Sunrise Red, Twilight Blue aur Starry Purple, jabki Oppo ka F9 Black aur Purple colors mein available hoga. Oppo F9 Pro ko kharidne mein aapko koi pareshaani nahin hogi, kyunki ye online Amazon aur Flipkart aur offline leading stores par bhi poori country mein available hoga. Ye smartphone 31st August se 23,990 INR ki kimat par available hoga. Halaanki Oppo F9 ki kimat 19,990 INR hai, lekin iski availability abhi announce nahin ki gayi hai.

Oppo F9 Pro

Oppo F9 Pro ki khaasiyat hai iska gradient color design jo ki rear panels ke saath side frames par bhi nazar aayega. Is smartphone mein front par water drop notch design diya gaya hai aur saath hi ismein VOOC flash charging support bhi hai jo kewal 5 minutes ke charge mein aapko 2 hours tak ka talk time deti hai.

Iske alawa Oppo F9 Pro mein 6.3 inch ki full HD+ display hai jo 19.5:9 aspect ratio ke saath di gayi hai. Isko power dene ke liye Octa Core MediaTek Helio P60 processor moujood hai, jismein 2.0 GHz ki clock speed par chalne waale four cortex A53 cores hain aur other other four cortex A73 cores hain. Ismein 6GB ki RAM aur 64GB ki inbuilt memory di gayi hai.

Oppo F9 Pro mein dual SIM slots aur dedicated microSD card slot moujood hai jo 256GB tak ke card support karta hai. Iske alawa ye ismein custom UI ColorOS 5.2 hai, jo ki Android 8.1 Oreo par based hai. Is handset mein rear panel par fingerprint scanner bhi hai aur saath hi ye Dual 4G VoLTE support karta hai.

Camera section ki baat karein to, Oppo F9 Pro mein 16 MP ka primary rear camera hai jo LED flash light, f/1.85 aperture ke saath aata hai aur saath hi secondary 2 MP rear shooter bhi diya gaya hai. Ismein selfie lovers ke liye front par water-drop notch mein 25 MP ka camera fit kiya gaya hai, jismein f/2.0 aperture, AI aur Sony IMX576 sensor hain. Jabki iski battery 3500mAh ki hai aur ismein aapko Bluetooth 4.2, GPS, Type-C port aur 3.5mm audio jack bhi milta hai.

Oppo F9

Oppo F9 mein 4GB ki RAM aur 64GB ki internal memory hai. Ismein 16 MP ka primary rear camera f/1.85 aperture aur LED flash light ke saath mooujood hai aur secondary 2 MP ka rear shooter bhi diya gaya hai. Wahin iska front facing camera 16 MP resolution ke saath aata hai, jismein aapko LED flash nahin di gayi hai. Saath hi ismein bhi 3500mAh ki battery hai, lekin VOOC flash charging support nahin hai. Iske alawa Oppo F9 mein sabhi specifications F9 Pro ki similar hain.

Halaanki ye handset abhi India mein available nahin hai, lekin company ka kehna hai ki jaldi hi iski availability bhi announce ki jayegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: