Technology

AI Camera Ke Saath 26 March Ko India Mein Launch Hoga Oppo F7

941
0

Vivo ke V9 launch se thik ek din pehle Oppo ne apna naya selfie smartphone launch karne ki taiyaari kar li hai jiska naam Oppo F7 hai aur iske invites bhi aa chuke hain. Invites ke saath jo photo teaser hai usmein aap iPhone X jaisa notch design aur behad slim bezels ke saath full view display dekh sakte hain.

Abhi tak khabar ye thi ki India mein iPhone X like notch design ke saath Vivo ka V9 pehla smartphone hoga, lekin ab ye jagah Oppo F7 ne le li hai. Is invite waale photo teaser mein company apne fans ko un cricketers ke naam guess karne ko keh rahi hai jinki moujoodgi mein ye smartphone launch kiya jaayega.

Is launch mein 3 cricketers shaamil honge jinmein se ek shayad Oppo ka hone wala brand ambassador bhi ho. Kuch rumors inke baare mein keh rahe hain ki ye cricketers Hardik Pandya, Rohit Sharma aur Ravichandran Ashwin ho sakte hain.

Company is invite ko ‘Welcomes you to experience the best of Artificial Intelligence’ tag line ke saath dikha rahi hai jiska seedha ishara enhanced camera ki taraf hai. Ummid hai ki Oppo F5 ka ye successor Oppo F7 imrpved camera ke saath aayega jismein AI feature hoga aur iska front camera 25 MP ka ho sakta hai.

Iske alawa iske other specifications abhi reveal nahin kiya gaye hain, lekin Economic Times ki ek report ke anusaar is Oppo F7 mein 6.2 inch full HD+ display ho sakti hai jo 89.09 scren to body ratio aur 19:9 aspect ratio ke saath aayegi. Saath hi 26 March ko launch hone jaa rahe is smartphone mein  3GB RAM aur 32GB storage aane ki ummid hai.

Facebook Comments
Tagged:
screen-shot-2018-06-05-at-12-main
Technology
ASUS Ne Computex 2018 Mein Launch Kiye Kayi Laptops Jinmein Hain Naye Features
y2
Technology
Tech News Of The Day – 1st June 2018
MIUI-10-14
Technology
Tech News of The Day – 7th June 2018
Pooja Choudhary

Leave a Reply

Your email address will not be published.

%d bloggers like this: