Oppo F15 Next Month Hoga Launch, Price Hoga Itna

Oppo F11 & F11 Pro ko lagbhag ek saal hone waala hai aur ab company inke successors ke launch ki taiyaari kar rahi hai. Oppo ne haal hi mein ek press release ke dauraan bataaya hai ki wo jaldi hi Oppo F15 ko announce karenge. Wahin 91 Mobiles ke through ye news saaamne aayi hai ki Oppo F-series ke upcoming smartphone Oppo F15 ko January 2020 ke end mein launch kiya jayega. Saath hi ek teaser video bhi saamne aaya hai, jise aap neeche dekh sakte hain.

https://www.instagram.com/p/B6r-Jd7Ab9U/

In sources ke according ye pata chala hai ki January 2020 ke end mein Oppo F15 ko launch kiya jayega aur iska price India mein lagbhag 20,000 INR hoga.

Halaanki iske specs saamne nahin aaye hain, lekin video mein aap dekh sakte hain ki ye bhi waterdrop notch ke saath aayega aur ismein bhi quad rear camera setup moujood hai. F15 ka design kaafi had tak haal hi mein launch huye Realme X2 aur upcoming Realme X50 ke jaisa lag raha hai.

Wahin rumors ye bhi keh rahe hain ki Oppo F15 ka design Reno series ki tarah premium hoga aur ismein aapko gradient finish ke saath glass back milega.

Oppo ne kaha hai ki is handset ka design lightweight aur sleek hoga. Ye ek mid-range smartphone hoga. Teaser jo ki 91 Mobiles ke through saamne aaya hai usmein waterdrop notch nazar aa rahi hai aur rumors ki maanein to ismein aapko AMOLED display di jaa sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: