Oppo F15 Four Rear Cameras Ke Saath India Mein Launch Hua

Oppo ne aaj India mein F-series mein naya smartphone aur last year ke F11 ka successor Oppo F15 launch kiya hai. Ye smartphone China mein announce huye Oppo A91 ka hi rebranded version hai. Is handset mein aapko four rear cameras aur 4000mAh ki battery milti hai.

Oppo F15 ko aap Lightening Black aur Unicorn White colors mein kharid sakte hain. Is handset ke pre-orders aaj se hi Flipkart, Amazon aur offline stores par start ho chuke hain aur iski sale 24th January 2020 se start hogi.

Ab baat karte hain is handset ke specs ki. Oppo F15 ke looks aur lagbhag sabhi features kaafi achhe hain, lekin is handset mein ek kami jo mujhe nazar aati hai, wo hai chipset. Ismein MediaTek ka Helio P70 12nm chipset hai aur is smartphone ka price almost 20K hai. Jabki ye same chipset hum last year ke kayi phones mein dekh chuke hain, jinki kimat isse kaafi kam hai, jaise ki Realme 3, jise aap 8,999 INR mein kharid sakte hain, Motorola One Macro ki kimat bhi same chipset ke saath 9,999 INR hai. Iske alawa Oppo ke last year mein launch huye is phone predecessors Oppo F11 aur F11 Pro mein bhi yahi chipset use kiya gaya tha.

Iske alawa is smartphone mein 6.4 inch ki full HD+ AMOLED display, Corning Gorilla Glass 5 protection ke sath di gayi hai. Saath hi RAM ismein aapko 8GB ki di gayi hai, jiske saath aapko 128GB ki internal memory milti hai.

Oppo F15 mein waterdrop notch mein fitted 16MP ka selfie shooter moujood hai, in-display fingerprint scanner hai, 4000mAh ki battery 30W VOOC 3.0 fast charging support ke saath di gayi hai.

Key specifications of Oppo F15:

Model Oppo F15
Display 6.4-inch Full HD+ AMOLED display with Corning Gorilla Glass 5 protection 
Processor (4 Cortex A73 cores x 2.1 GHz + 4 Cortex A53 cores x 2.0 GHz) Octa Core MediaTek Helio P70 12nm chipset
RAM 8GB LPDDR4x
Storage 128GB (expandable, up to 256GB with microSD card slot)
Battery 4000mAh, 30W VOOC 3.0 fast charging support
Camera 48MP primary rear camera (f/1.7 aperture, LED flash light), 8 MP (119 degree ultra wide angle lens with 3cm macro, f/2.25 aperture), 2MP (depth sensor, f/2.4 aperture), 2MP (mono lens, f/2.4 aperture)
Front Camera 16MP front camera (f/2.0 aperture)
Software Android 9.0 Pie OS with Color OS 6.1
Price 19,990 INR
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: