Oppo F11 Pro With 48 MP Rear camera & Pop-Up Selfie Camera Launched In India

Oppo ne aaj India mein apna naya mid-range smartphone F11 Pro launch kiya hai. Ye smartphone, market mein seedha Vivo V15 Pro se takkar lega. Oppo ki highlight hai, ismein aane wala pop-up selfie and 48MP rear camera. Is smartphone ko Amazon, Flipkart, Paytm Mall, Snapdeal, Oppo stores se purchase kiya jaa sakta hai. Iske alawa leading offline retail stores par bhi F11 Pro available hoga aur is smartphone ki sale 15th March se start hogi.

Chaliye, sabse pehle baat karte hain, is smartphone ke cameras ki, jo ki iski highlight bhi hai. Oppo F11 Pro mein 48 MP ka primary rear shooter hai, jo ki f/1.79 aperture, 1/2.25″ sensor aur 6P lens ke saath aata hai. Secondary camera 5 MP ka hai, jo depth focusing ke liye hi hai. Saath hi 16 MP ka pop-up selfie camera hai, lekin ye center mein diya gaya hai aur f/2.0 aperture ke saath aane waala hai.

Iske alawa Oppo F11 Pro mein 6.5 inch ki full HD+ 19.5:9 display di gayi hai, jo ki Corning Gorilla Glass 5 protection ke saath aayegi. Wahin ismein aapko MediaTek Helio P70 processor diya gaya hai, jo ki haal hi mein launch huye Realme 3 mein bhi moujood hai. Is chipset ki result achha hai aur aapko smooth aur bina kisi lag ke behtar performance deti hai. Isi ke saath ismein 6GB ki RAM aur 64GB ki inbuilt memory dekhne ko milti hai, jo ki another 128GB tak extend ki jaa sakti hai. Lekin yahaan par dedicated microSD card slot missing hai aur iski jagah hybrid dual SIM slot hai.

Is handset mein Android 9.0 Pie OS ke saath Color OS 6.0 diya gaya hai. Aapko yahaan 4000mAh ki battery, VOOC flash charge 3.0 ke saath milti hai aur saath mein 5V / 4A ka charger diya gaya hai.

Phone mein 3D gradient back design use kiya gaya hai aur front par amazing bezelless display hai. Is handset ka ek hi variant market mein aaya hai, aur iski cost 24,990 INR hai, jise aap 15th March 2019 se purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: