Oppo F11 Pro Next Month Hoga India Mein Launch, VOOC Superfast Charging Ke Saath Hoga Introduce

Abhi kuch din pehle hi Oppo F11 Pro ki teasing video aur image saamne aayi thi. Video mein yeh phone ek pop-up selfie camera ke saath dikhai de raha tha. Saath hi teaser image mein iss phone ka pre-book notification bhi show ho raha tha. Finally aaj iss phone ki India launch date company ne reveal kar di hai. Iss launch date ki information tech press ke through receive ki gayi hai, jahan company ne unhe invites send kiye hain. Invite notice mein company ne bataya hai ki yeh phone next month 5th March 2019 ko India mein launch kiya jaaega.

 

 

Abhi tak saamne aayi teaser images mein iss phone ki kaafi specs saamne aa chuki hain. Iske alawa company ne iss phone ke colour variants ko bhi reveal kar diya hai, jahan bataya gaya hai ki yeh phone Aurora green aur Thunder Black colour mein launch kiya jaaega. Same image mein hi yeh bhi bataya gaya hai ki iss phone mein primary camera 48MP ka milega jo ki low light mein brilliant portrait shots lene ke liye design kiya gaya hai. Iss image ko aap upar dekh sakte hain. Phone ke rear panel par aapko dual rear camera setup LED flash ke saath dekhne ko milega. Iske alawa haal hi mein saamne aayi image mein yeh bhi confirm kiya gaya hai ki iss phone mein secondary camera 5MP ka hoga.

 

 

Iss phone ki kaafi teaser images lagatar saamne aa rahi hain.  Upar dikhai de rahi image mein show kiya gaya hai ki yeh phone VOOC 3.0 superfast charging ke saath aaega jo ki aapke phone ko last VOOC charger ke compare mein 20 minutes jyada jaldi charge kar sakega. Yeh phone unn sabhi users ko pasand aa sakta hai jo ki notch display ko like nahi karte hain. Iss phone mein kisi bhi tarah ki notch nahi milegi. Phone ka rear panel 3D gradient panel diya jaaega.

 

Oppo yeh pehle hi mention kar chuka hai ki wah iss phone  ko AI ultra clear engine aur colour engine ke saath launch karega. AI ultra clear engine aur colour engine night light mein behtar photo click karne mein help karte hain, iske alawa iss feature ke through super night mode mein bhi scenes ko automatically detect kiya jaa sakta hai. Saath hi iski help se long exposure time ke duaraan image stabilisation bhi milta hai. Well! Iss phone ki launch ke baad hi yeh confirm ho paaega ki yeh phone inn sabhi specs ke saath kis price tag par India mein launch hoga.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: