Oppo F11 Pro Marvel’s Avengers Limited Edition Launched in India, Check Here For Price & Specs

Oppo F11 Pro ko India mein launch last month launch karne ke baad, aaj company ne iska Marvel’s Avengers Limited Edition announce kiya hai. Ye special edition phone glossy Blue colors mein saamne aaya hai aur is par Avengers ka red color ka logo bana hua hai. Saath hi design mein phone ke rear panel par apko hexagonal pattern bhi nazar aayega.

Almost sabhi specifications yahaan par wahi hai, jo aapko Oppo F11 Pro mein di gayi hain , jaise ki 6.5 inch ki full HD+ display, Octa Core MediaTek Helio P70 processor, 4000mAh ki battery, jo ki VOOC 3.0 fast charging ke saath aayegi aur 6GB ki RAM. Ismein aapko 48MP main camera aur 5 MP ka secondary shooter milta hai. Front par yahaan 16 MP ka selfie camera moujood hai.

Lekin iske alawa jo cheezein different hain, unke baare mein baat karte hain. Oppo F11 Pro Marvel’s Avengers Limited Edition, Captain America se inspired case ke saath diya jayega. Ismein aapko Captain America ki shield milegi, jise aap phone ke stand holder ki tarah bhi use kar sakte hain. Saath hi is Marvel’s Avengers Limited Edition smartphone ke box mein aapko Avengers ke sabhi characters ke logo bhi milenge, jaise ki Hulk, Iron Man, Thor, etc. Iske alawa Avengers ka thermo printed logo aur ek stamped badge bhi ismein included hoga.

Oppo F11 Pro Marvel’s Avengers Limited Edition ko India mein 6GB RAM aur 128GB internal memory ke saath launch kiya gaya hai, jiska price 27,990 INR hai. Ye smartphone Amazon exclusive hai, jo abhi se hi pre-order ke liye available hai aur 1st of May se iski sale start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: