Oppo F11 Pro Ka Official Video Teaser Reveal Hua; Amazing Design Aur No Notch Display Ke Saath Launch Hoga

Oppo ne apne naye smartphone Oppo F11 Pro ko tease karna start kar diya hai aur is smartphone ka first teaser waakyi fans ko is upcoming smartphone ki taraf attract karta nazar aa raha hai. Company is upcoming smartphone ko 48 MP camera aur “Get it Right, In Low Light” tag line ke saath tease kar rahi hai.

Oppo India ke Twitter handle par is smartphone ki teaser image nazar aayi, jise aap upar dekh sakte hain. Saath hi Oppo ke Twitter account par Oppo F11 Pro ki teaser video bhi post ki gayi hai, jise aap neeche dekh sakenge.

Company ne haal hi mein Oppo K1 ko India mein launch kiya hai, jo ek achha lower mid-range smartphone prove hua aur ab Oppo F11 Pro India mein jaldi hi launch ho sakta hai. Oppo F11 Pro ke video teaser mein is smartphone ke attractive design ki ek jhalak hai.

Iske alawa is handset ki ek aur image jo saamne aayi hai, usmein iske ultra slim bezels aur no notch display nazar aa rahi hai, jiska seedha matlab hai ki ye bhi pop-up camera ke saath launch ho sakta hai. Wahin February 20 ko Vivo bhi pop-up selfie camera ke saath apna naya smartphone Vivo V15 Pro launch karne waala hai, jo ki Oppo ke is upcoming smartphone ko achhi takkar de sakta hai.

Halaanki Oppo F11 Pro ka iske alawa aur koi specs leak nahin hua hai. Lekin is handset ka launch late February ya early March 2019 mein expect kiya jaa raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: