Oppo A9 Affordable Price Tag Ke Saath India Mein Hua Launch

Oppo ne aaj India mein ek aur budget smartphone,  Oppo A9 ko launch kar diya hai. Phone mein aapko water drop notch display milti hai. Iss phone mein 3D gradient back panel diya gaya hai, jismein aapko Mica Green, Jade White aur Fluorite Purple color option milte hain.  

Oppo A9 smartphone mein 6.5 inch ki full HD+ display di gayi hai. Iske alawa phone mein Octa-Core MediaTek Helio P70 processor diya gaya hai, jo ki  900MHz ARM Mali-G72 MP3 GPU ke saath aata hai. Phone ke rear panel finger print scanner ka option bhi aapko mil jaata hai. Iss phone mein Color OS 6.0 based Android 9 Pie operating system diya gaya hai.

Also Read : Oppo A9x Phone Launch With 48MP Primary Camera 

Phone ke optics ki baat karein to phone mein dual rear camera setup diya gaya hai, jahaan 16MP ka primary camera aur 2MP ka secondary camera aapko milta hai. Iske alwa front facing camera bhi 16MP ka diya gaya hai. Iss phone ko company ne single storage variant mein launch kiya hai, jahaan aapko 4GB RAM ke saath 128GB internal storage milti hai. Phone ki storage ko microSD card ki help se 256GB tak expand kiya jaa sakta hai.

Yeh phone 4020mAh ki battery ke saath aata hai, jo ki fast charging ko support karti hai. Connectivity ke liye aapko iss phone mein dual 4G VoLTE, dual band Wi-Fi, Bluetooth 4.2,GPS/GLONASS  ka option mil jaate hain.

Iss phone ko India mein Rs 15,490 ki price par launch kiya gaya hai. Yeh phone offline aur online dono hi market mein 20th July se sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: