Oppo A7 Ki Full Specifications Aur Images Leak Huye, WaterDrop Notch Ke Saath Jaldi Hi Launch Ho Sakta Hai Ye Smartphone

Kaafi samay se leaks ke beech bane huye Oppo A7 ki kuch aur leak images aur specification sheet saamane aayi hai. Isse pehle bhi kuch rumors mein Oppo A7 ki leaked pictures dekhi gayi thi, yeh images unse kaafi different nazar aa rahi hai. In images mein Oppo A7 ka complete design leak ho chuka hai aur ismein waterdrop notch dikhai de rahi hai. Aaiye jaante hain iske complete specs.

Oppo apne A series ke iss phones ko jaldi hi market mein laane wala hai lekin usse pehle hi iss phone ki almost sabhi specification leak ho chuki hain. Sabse pehle baat kar lete hain picture mein dikh rahe phone ke colors ki. Definitely iss phone ke colors Oppo ke baaki phones ke colors se kaafi jyada attractive aur cool dikhai de rahe hai. Picture mein phone ke 2 colors varient dikhai de rahe hai, Glaring Gold aur Glaze blue.

Leaks specifications ke according, Oppo A7 mein aapko 6.2 inch ki display di gayi hai jiski pixel density 271 ppi hai. Oppo A7 mein 19:9 ka screen aspect ratio diya gaya hai. Saath hi iss phone mein aapko Corning Gorilla Glass 3 ki protection bhi milegi.

Image Credit: AndroidPure.com

Oppo A7 mein aapko Qualcomm Snapdragon 450 processor diya gaya hai jo ki 1.8Ghz ki clock speed ke saath aata hai. Phone mein aapko ColorOS 5.1 based Android 8.1 Oreo milega. Storage variant ki baat kare to yahaan aapko phone mein 2 storage options dekhne ko milenge jismein 3GB RAM ke saath 32 GB ROM option hai aur doosra 4GB RAM ke saath 64GB ROM aayegi. Dono hi variants mein memory ko aap microSD card ki help se 256GB tak expand kar sakenge.

Optical terms ki baat ki jaaye to Oppo A7 mein 13MP ka primary camera aur 2MP ka secondary camera milega jaha ismein LED flash ka option hoga. Front camera section mein aapko 16MP ka camera milta hai jo ki AI based beautification mode ke sath diya jaayega, saath hi ismein AI based bokeh mode, HDR mode jaise options bhi milenge.

Image Credit: AndroidPure.com

Phone mein face unlock feature bhi moujood hai, saath hi back panel par fingerprint scanner ka option bhi milega. Iske alawa Oppo A7 mein 4230mAh ki bhadiya battery jogi, jaise ki upar di gayi image mein bhi mention hai. Connectivity ki baat kare to phone mein dual 4G VoLTE ka support milta hai aur iske alawa Wi-Fi, Bluetooth, GPS, USB OTG support options bhi honge.

Specs to aa chuke hain, lekin price jaanne ke liye humein launch tak ka intezaar karna hoga. Lekin aap apne guess kar sakte hain, ki in specs ke saath Oppo A7 ka price kya ho sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: