Fans Ko Rakhna Hai First OnePlus TV Ka Naam: Best Suggestions Dene Waalon Milega Achha Inaam

China ki leading tech company, OnePlus, hamesha apne successful smartphones ke kaaran charcha mein rahi hai. Jahaan ek taraf, logon ko ab OnePlus 6 ke baad OnePlus 6T ka intezaar hai, wahin company ne OnePlus TV ke saath television market mein entry karne ki announcement bhi kar di hai.

Kuch hi dinon pehle OnePlus ke CEO Pete Lau ne, kaha tha ki, 2019 mein company ki pehli OnePlus TV launch ki jayegi, filhaal ye television development ke early stages mein hai. Saath hi ye bhi bataaya tha, ki ismein voice command aur AI jaise features honge.

Lekin aaj company ne isi OnePlus TV ko lekar ek contest bhi announce kiya hai, jismein aapko is aane waale TV ka naam rakhne ka mauka diyaa jaa raha hai. Company ke according, users ya fans ke jo bhi suggestions aayenge, unhin mein se ek favorite naam, is upcoming OnePlus TV ko diya jayega.

Saath hi OnePlus, best suggestions dene waalon ko kuch prizes bhi dega. Is contest mein participate karne ke liye aap yahaan click kar sakte hain.

Is contest ke liye aapko 17th October se pehle hi suggestions dene honge. OnePlus ki team top 10 favorite suggestions ko choose karegi. Iske alawa OnePlus ki Chinese community se bhi top 10 entries chuni jayengi. Aur in 20 entries ko combine karne ke baad, jo ek suggestion sabse jyada pasand aayega, wahi is TV ka naam hoga.

Is contest ke winner ko company first OnePlus TV prize mein degi aur saath hi is winner ke is TV ke launch event ke trip ka saara kharcha bhi utaayegi. Iske alawa top 10 suggestions dene waalon ko bhi OnePlus Bullets wireless earphones diye jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: