OnePlus TV Remote Control Ka Model Number Certification Website Par Hua Spot

Last year premium smartphone banane wali company OnePlus ne announcement kiya tha ki wah next year tak apne TV ko announce karegi, jiske saath yeh bhi announce kiya gaya tha ki user ko TV ka naam rakhna hai. Iske baad iss saal April mein company ke CEO Pete Leu ne confirm kiya tha ki company jaldi hi apna TV launch karne wali hai. Haal hi mein saamne aayi jaankari ke according OnePlus ke aane wale TV ke remote control ka model number certification website Bluetooth SIG par dekha gaya hai.

Image Credit : Launch Studio

Remote ka model number RC-001A bataya jaa raha hai. Site par mention ki gayi details ki according iss remote mein Bluetooth 4.2 support mil sakta hai. Sources ki maane to yeh OnePlus Bluetooth enable remote AI assistant dedicated button ke saath aa sakta hai. Company ki taraf se aane wala yeh  TV premium TV ho sakta hai, jiska seedha competition Xiaomi ke TVs se ho sakta hai.

Kuch samay pehle saamne aayi reports ki according, iss TV mein lagataar 5 saal tak software update diye jaayenge. Iske alawa yeh TV khud ke AI engine ke saath launch kiya jaa sakta hai. Yeh TV in-built camera ke saath launch kiya jaa sakta hai, iske alawa TV mein aise features bhi dekhne ko mil sakte hain, jis se phone ko TV se easily connect kiya jaa sake. Abhi tak TV ke official features aur launching date ki jaankari company ne share nahi ki hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: