India mein 10th June ko launch hoga OnePlus Nord CE 5G

Aaj pehle Amazon listing ke through confirm ho gaya hai ki company jaldi hi OnePlus Nord CE 5G smartphone ko India mein launch karne waali hai. Aur ab latest news ye hai ki ye smartphone India mein 10th June 2021 ko aayega aur ye khud OnePlus CEO Pete Lau ne kaha hai.

Darasal leading blog TechRadar ke saath ek interview mein Mr. Pete Lau ne confirm kiya hai ki 10 June ko OnePlus Nord CE 5G India aur Europe mein introduce kiya jayega. Iske alawa unhone ye bhi bataaya ki last year launch huye OnePlus Nord N100 smartphone ka successor OnePlus Nord N200 5G bhi kuch waqt mein U.S. mein launch kiya jayega.

OnePlus Nord CE 5G

Company jaldi hi India mein apna Summer Launch Event organize karne jaa rahi hai aur ye smartphone launch usi ka hissa hai. OnePlus Nord CE mein CE ‘Core Edition’ ke liye stand karta hai, jo ki Nord ka improved variant hoga jismein aapko kuch extra features milenge. OnePlus CEO ke according ye upcoming phone aur jyada fast aur smooth hoga. Iske alawa unhone clearly ye bhi kaha ki is smartphone ka price bhi Nord se kam hi hoga.

Halaanki OnePlus Nord CE ke saath company Nord 2 ko bhi launch karegi ya nahin, ye ab bhi ek sawaal hi hai. Stadia Premiere edition promotion ke saath Nord 2 ka naam saamne aaya zaroor hai, lekin ye kaun sa phone hoga aur kahaan launch hoga, is par se abhi parda nahin utha hai.

Aane waale samay mein launch se pehle company jo teasers share karegi, ummid hai ki usmein OnePlus Nord CE 5G ke kuc key specs saamne aayein.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: