OnePlus Lekar Aa Raha Hai ‘Invisible Cameras’ Ke Saath Concept One Phone

CES 2020 ko start hone mein ab jyada waqt nahin bacha hai. Kaafi tech companies is event mein apne naye products lekar aane waali hain. Wahin OnePlus ne bhi announce kar diya hai ki wo CES 2020 mein jo ki 7th January se start hone waala hai, mein apna Concept One smartphone introduce karne waale hain. Itna hi nahin company ne iska first teaser bhi show kar diya hai, jise aap neeche dekh sakte hain.

Is Concept One smartphone ki khaasiyat ye hai ki ismein invisible cameras honge. Well, ye dekhne mein kaisa hoga, iski ek jhalak is teaser mein aap dekh sakte hain.

Jaisa ki aap teaser mein dekh sakte hain ki pehle aapko cameras nazar nahin aaye aur phir slightly aap dekh paate hain. Company ne is design ko ‘Alternate Design for the Alternate Future’ tag line ke saath share kiya hai. Saath hi neeche di gayi image mein OnePlus ka Alert slider aapko nazar aayenga, jismien halka sa Orange accent nazar aa raha hai, jo ki abhi tak ke OnePlus McLaren editions mein hi dekha gaya hai.

Darasal, is OnePlus Concept One Phone ke liye company ne McLaren se partnership ki hai, jo ki ek automotive company hai. OnePlus ne is phone mein wo glass technology use kihai, jo ki aircrafts aur high-end cars ke sun-roofs mein use ki jaati hai. Company ne is concept phone mein electrochromic glass ka use kiya hai jo ki McLaren 720S mein use kiya gaya tha.

OnePlus Concept One phone mein ye jo special glass use kiya gaya hai, rear cameras isi ke neeche place kiye gaye hain. Is handset mein jab aap camera app ko open karenge, to kuch colors ke shades ya variety of colors create hote hain, jo ki electric current generate karte hain, jisse aapko cameras nazar aane lagte hain, ya yun kahein ki wo glass transparent ho jaata hai.

Is technology ke saath aane waale is handset mein  jab aap camera use nahin karte hain, to cameras us glass ke andar hide ho jaate hain.  

Well, ab is technology ke sath ye to kehna hi padega, ki smartphones ke cameras ke saath lagbhag sabhi manufacturers kuch na kuch innovations karte hi rehte hain. Specially pichle 2 saalon mein camera technology mein kaafi saare improvements aur changes dekhne ko mile hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: