OnePlus Ke TV Ka Naam Aur Logo Hua Final, Next Month Launch Ho Sakta Hai TV

OnePlus ke TV ko le kar ek achi news saamne aayi hai. OnePlus ne apne official forum mein ek post kar ke bataya hai ki usne apne TV aur uske official logo ko finally decide kar liya hai. Company ne bataya ki unke pehle TV ka naam OnePlus TV hoga. Saath hi iske logo mein OnePlus ke sign ke saath TV likha hoga. Company ne logo aur TV ka naam rakhne ke liye ek competition rakha tha, jiske response mein unhe kaafi letters aur mail receive huye the. Post mein company ne bataya ki  ” Apne khud ke brand par iska naam rakhne ke mukabale koi dusra naam humari value, vision aur pride ko represent nahi kar sakta. ”

 

Last reports mein bataya gaya tha ki OnePlus ke TV mein humein OLED aur LCD panel dekhne ko mil sakte hain, jismein 43”, 55”, 65” aur 75”  variants shaamil hain. Iss TV ke top variant mein humein 4K HDR support mil sakta hai. Saath hi yeh TV Google ke Android TV platform par design kiye jaa sakte hain. Company TV mein aisa feature de sakti hai, jis se  OnePlus smartphone ko TV se easily connect kiya jaa sake. TV ke alawa kuch samay pehle humein OnePlus TV Remote control ki details certification website par dekhne ko mili thi.

Expect kiya jaa raha hai ki OnePlus apne TV ko September last tak announce kar sakta hai. Company ne kaha ki wah launching ke time par naming contest  (YOU NAME IT) ke winner ko bhi announce karegi. Aapko bata dein ki design kiye gaye logo mein sabhi letters ko equal thickness aue length ke saath banaya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: