OnePlus Concept One Phone, Invisible Cameras Ke Saath Announce Hua

OnePlus ne CES 2020 ke dauraan apna Concept One smartphone announce kar diya hai. Ye first smartphone hai, jo ki electrochromic glass technology ke saath introduce kiya gaya hai. Is technology ke istemaal ke baad glass transparency change ho jaati hai aur cameras invisible ho jaate hain.

Is handset ke liye OnePlus ke Mc Laren ke saath third time collaborate kiya hai. Is handset ka design bhi poori tarah se Mc Laren ke design se inspired hai.

Is special event ke duaraan company ne OnePlus Concept One phone ke khaas features ko explain bhi kiya.

  • Is phone mein rear panel par both electrochromic glass aur premium leather ka use kiya gaya hai, jo ki Mc Laren ki 720S Spider Luxury car mein use kiye gaye hain.
  • Is glass ko banaane mein organic particles ka use kiya gaya hai jo ki opaque black color glass ko transparent glass mein convert karte hain taaki aap cameras ka use kar sakein.
  • Is phone mein use kiya gaya special glass bahut hi limited luxury sports car aur airplanes mein use kiya jaata hai. Is glass ko phone mein use karne ke liye ise miniaturize kiya gaya, jismein OnePlus ki R&D team ko extra work karna pada.
  • OnePlus Concept One phone ko transparent glass se tinted glass aur wapas transparent hone mein sirf 0.7 seconds ka samay lagta hai, jo ki industry ki fastest speed hai.
  • Phone mein jo Mc Laren ke famous Papaya color ka leather ka use kiya gaya hai, wo dekhne mein lightness ka feel deta hai.

OnePlus ka ye phone abhi sirf ek concept phone hai, jo ki future ke liye kiya gaya ek experiment hai. Ismein invisible camera camera design ka ek new form hai, jise future mein use kiya jaa sakta hai. Company ka kehna hai ki is handset ko ready karne ke liye abhi kaafi jyada testing aur verification skill ki zaroorat hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: