OnePlus CEO Pete Lau Ne Bataaya, Kyun Nahin Hai OnePlus 6T Mein 3.5mm Audio Jack

Hello OnePlus Fans !

17th October ko launch hone waale OnePlus 6T ke pehle hazaaron rumors aaye, phir advertisement mein ek jhalak, phir company ka first video teaser. Aur finally aaj OnePlus ke CEO ne is upcoming flagship ko lekar kuch baatein kahin hain.

OnePlus CEO, Pete Lau ne aaj confirm kiya ki ismein aapko in-display fingerprint sensor milega, lekin 3.5mm audio jack ismein nahin hai. Saath hi unhone ye bhi bataaya ki is baar OnePlus 6T mein se audio jack ko remove karne ke peeche kya kaaran hai.

Ek interview ke dauraan OnePlus CEO ne 3.5mm audio jack ken aa hone ka kaaran in-display fingerprint sensor ko bataaya hai. Inke according in-display fingerprint reader ke liye free space rakhna zaroori tha, jiske kaaran 3.5mm audio jack ko remove karna pada.

Pete Lau ke according, smartphone ke andar screen unlock ke liye jo chip ya engine dena hota hai, usi ki wajah se aapko audio jack yahaan nahin hai. Lekin saath hi unhone ye bhi kaha hai ki agar users ek baar in-display fingerprint scanner ko use karenge, to audio jack ki kami ko bhool jayenge.

Pete Lau ne is interview mein ye bhi bataya ki jab bhi without heating issues, fast wireless charging possible hogi, tabhi company use consider karegi. Tab tak users ko safe Dash Charge istemaal karne ki hi salaah di gayi hai.

Well, company ne to apni safaai de hi di hai, lekin kya aap is answer se justified hain, humein comments ke zariye zaroor bataayein.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: