OnePlus 9RT aur OnePlus Buds Z2, 13 October ko Announce Honge: Reveal Huye Specs

OnePlus ne ye to pehle hi confirm kar diya hai ki OnePlus 9 ka koi ‘T’ variant nahin aayega, lekin brand OnePlus 9R ka successor launch karne ke liye poori tarah se taiyaar hai. 7th October ko company ke CEO Pete lau ne apne Weibo account se ye confirm kar diya tha ki wo jaldi hi ek naya ‘T’ variant launch karenge, lekin is baar naam thoda alag hoga, lekin by mistake is post mein phone ka naam OnePlus 9RT reveal ho hi gaya. Saath hi aaj company ne iske China launch ka invite bhi release kar diya hai, jismein launch date 13th October likhi hui hai.

Oneplus 9RT China mein sabse pehle launch hone waala hai, lekin India mein ye kab aayega, iski information abhi aana baaki hai. Rumors hain ki ye Android 12 based OxygenOS 12 ke saath aane wala first smartphone hoha. Haalanki specifications wise, ismein apne predecessor OnePlus 9R ke according minor upgrades hi milenge.

Haal hi mein Chinese social media platform Weibo par OnePlus ne announce kiya hai ki OnePlus 9RT ke saath OnePlus Buds Z2 bhi aayenge. Ise sabse pehle leaker Ishan Agarwal ne spot kiya hai. Neeche aap iska poster dekh sakte hain.

OnePlus 9RT announcement poster Weibo

Is picture mein saaf dikh raha hai ki OnePlus 9 ke jaisa hi camera module, aapko Oneplus 9RT mein bhi milne waala hai. Lekin features ko lekar brand ki taraf se koi bhi jaankaari abhi nahin aayi hai.

Lekin phone ki pictures, jinka aapko bhi intezaar hoga, Evan Blass ke through saamne aayi hain.

OnePlus 9RT leaked render evleaks

(Image: @evleaks)

Specs ki baat karein to, rumors hain ki ismein bhi 50MP primary camera ke saath triple rear camera setup hi aayega. Phone mein wahi OnePlus ka alert slider aur power button ek edge par honge aur doosre par SIM tray.

OnePlus 9RT leaked render evleaks

(Image: @evleaks)

Is baar company mid-range chipset Snapdragon 87 ka istemaal kar sakti hai aur ismein aapko 120Hz refresh rate ke saath full HD+ fluid AMOLED display mil sakti hai. Iske alawa ismein 4500mAh ki battery ke saath 65W fast charging support aane ke rumors hain.

Isi ke saath, OnePlus Buds Z2 bhi announce kiye jaayenge aur inke renders bhi aap neeche dekh sakte hain. Reports ke according, inmein 520mAh ki battery hogi aur case oval shape ka hoga. Evan Blass ne yahaan jo picture share ki hai, uske according ye Black color variant mein aayenge.

Iske alawa inmein ANC support, 11mm drivers, IP55 rating jaise features bhi included ho sakte hain.

OnePlus Buds Z2 retail packaging evleaks

(Image: @evleaks)

Well, ab dekhna ye hai ki next week company is smartphone ko kis price par launch karne waali hai. Saath hi iski India launch date bhi next wekk hi saamne aa sakti hai, aisa expect kiya jaa raha hai.

Lekin is smartphone ko log kitna pasand karte hain, ye bhi ek sawaal hai, kyonki Nord 2 ke blast ki news jo saamne aayin hain, usse log thode naraaz to dikhaayi de rahe hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: