OnePlus 8 Pro Geekbench Benchmarking Site Par Aaya Nazar, Kuch Specs Huye Reveal

OnePlus apne products ko lekar lagataar surkhiyon mein hai. Last year end tak OnePlus 7T Pro ki charcha rahi aur is year ke start hote hi company ne invisible cameras ke saath Concept phone ko introduce kiya. Ek baar phir OnePlus apne new smartphone ko lekar charcha mein hai aur ye hai OnePlus 8 Pro. Ye new smartphone popular benchmarking site Geekbench par nazar aaya hai aur saath hi kuch important specs bhi saamne aaye hain.

OnePlus 8 Pro ko Geekbench par model number “GALILEI IN2023” ke saath spot kiya gaya. Saath hi ye bhi pata chala ki ye 12GB RAM ke saath announce hoga aur ismein Android 10 software aayega jis par OnePlus ki UI Oxygen OS hogi.

Is site par phone ke motherboard ka naam “Kona” dikh raha hai aur pehle dekha gaya hai ki ye ek codename hai jo Snapdragon 865 chipset ke liye use hua tha.

Geekbench benchmarking site par is handset ka single-core test ka score 4296 points hai aur multi-core test ka score 12,531 points hai.

OnePlus 8 Pro ke specs ko lekar aur bhi kuch khabarein saamne aayi hain, jinke according ye phone 6.65 inch ki 120Hz display ke saath aayega. Ismein aapko four rear cameras mil sakte hain, jinmein ek camera 3D ToF sensor hoga. Saath hi ismein aapko 8GB RAM ka bhi option mil sakta hai aur trend ko follow karte huye, ye bhi 4G aur 5G dono versions mein launch kiya jaa sakta hai.

Well, specs to kuch had tak saamne aaye hain, lekin launch abhi thoda door hai. OnePlus 8 Pro ko Q2 2020 mein announce kiya jayega. Hopefully tab tak iske aur kuch reliable leaks bhi saamne aa sakte hain.   

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: