OnePlus 8 Ka First Look Hua Leak, Phone Ki Display Mein Mil Sakta Hai Punch Hole Selfie Camera

Chinese smartphone company OnePlus ne haal hi mein India mein OnePlus 7T ko launch kiya hai. Iss phone ke launch ko abhi time bhi nahi hua hai aur OnePlus ke ek aur smartphone, OnePlus 8 ki leaks aana shuru ho gayi hain. Phone se related ek photo saamne aayi hai, jo ki Onleaks.com ke dwara post ki gayi hai. Post ki gayi image mein phone ke teen different colors dekhe jaa sakte hain. Iske alawa rear panel par triple rear vertical camera setup dikh raha hai.

Phone ke front screen ke top mein bezels kaafi kam dikhai de rahi hai. Leak image mein phone ki front screen mein left corner par hole dikhai de raha hai, iss se expect kiya jaa raha hai ki company iss phone mein punch hole selfie camera de sakti hai. Phone ke front aur back dono side mein curved glass display dikhai de rahi hai, lekin phone ki display mein kisi bhi tarah ki notch visible nahi ho rahi hai.

Phone ka rear camera setup OnePlus 7 Pro ki tarah hi mil sakta hai, jaisa ki image mein clearly dikhai de raha hai. Camera setup ke just neeche LED flash light bhi di huyi hai. OnLeaks dwara share kiye twitter post mein phone Blue color mein dikhai de raha hai aur other leaks image mein phone mein Black, Blue aur White color dikhai de rahe hain. Saath hi Tweet mein phone ke saath #OnePlus8 mention kiya gaya hai.

Well, OnePlus 8 se judi yeh pehli leak humare saamne aayi hai. Lekin tweet ki according yeh phone year 2020 mein launch kiya jaa sakta hai. Phone ke full look aur specs ke liye humein abhi kaafi wait karna hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: