OnePlus 8 & 8 Pro Amazon India Affiliate Page Par Huye List, Jaldi Hi Hoga Launch

OnePlus ke last year mein OnePlus 7T ke launch karne ke baad se hi next flagship series ke rumors shuru ho gaye the, yaani ki OnePlus 8 series. Tab se ab tak kabhi key specs aur kabhi images ke leaks aate hi rahe hain, lekin aaj Amazon India ke affiliate page par OnePlus 8 & 8 Pro ki listing dekhi gayi, jisse ye lag raha hai ki launch ab jaldi hi ho sakta hai.

Amazon India affiliate page par kayi products ki fixed advertising fees ki list mention ki gayi thi, jismein 1% advertising fees waale mobile phones ki list mein OnePlus 8 & 8 Pro ka naam sabse pehle nazar aaya. Inke saath OnePlus 7T, 7T Pro, Mc Laren edition bhi is list ka hissa the. Saath hi Xiaomi, Realme aur Samsung ke kuch phones bhi ismein moujood the.

Ab agar specs ki baat karein to, OnePlus 8 Pro mein 6.65 inch ki Quad HD+ display aa sakti hai. Iske alawa ismein 120Hz refresh rate support hoga aur ye curved edges ke saath aayegi. OnePlus 8 series ke dono phones ki leaked images mein punch-hole selfie camera nazar aa raha hai aur saath hi in dono phones ko power dene ke liye Qualcomm ka latest chipset Snapdragon 865 SoC moujood hoga. Inmein 8GB RAM aur 12GB RAM options ke saath 256GB storage mil sakti hai.

In dono smartphones ki other details bhi hopefully jaldi hi hum aapke saath share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: