OnePlus 7T Pro Ki Leak Images Aayi Saamne, Mil Sakti Hai Waterfall Display

Abhi kuch samay pehle hi OnePlus ne apne flagship smartphone OnePlus 7 aur OnePlus 7 Pro ko launch kiya hai. Yeh phones kaafi bhadiya specs aur features ke saath aate hain. Lekin iss series ke hi ek aur smartphone OnePlus 7T Pro ki leaks images haal hi mein humare saamne aayi hain. Inn images ko micro-blogging website Weibo par dekha gaya hai, jinhe tipster Max J. ne apne Weibo handle par share kiya hai. Iss news ko sabse pehle Slashleasks.com par post kiya gaya hai.

Image Credit :/leaks.com

Aapko bata dein ki OnePlus apne har phone ka ek base variant aur ek top variant launch karti aa rahi hai, jismein ‘T’ variant behtar features aur specs ke saath aata hai. Abhi iss series mein company OnePlus 3T, OnePlus 5T aur OnePlus 6T smartphones ko launch kar chuki hai.

Also Read : OnePlus 7 Pro, Reasons To Buy & Not To Buy 

Abhi tak saamne aayi rumors ki maane to OnePlus 7T Pro mein humein, Qualcomm ka latest launched chipset Snapdragon 855+ diya jaa sakta hai. Saath hi iss phone mein water fall screen bhi dekhne ko mil sakti hai. Iss leak mein do images mein share kiya gaya hai, jismein yeh phone ek case ke andar dikhai de raha hai, even charging ke liye bhi yeh phone us se case detach nahi kiya gaya hai. Iss case ko le kar abhi confusion bana hua hai.

OnePlus ke latest launched phone OnePlus 7 Pro ki baat karein ismein 6.67 inch ki multi touch QHD+ Fluid AMOLED display di gayi hai, jiska refresh rate 90 Hz hai. Yeh phone triple rear camera setup ke saath aata hai jismein aapko 48MP+16MP+8MP ka camera setup milta hai. Selfies ke liye aapko ismein 16MP ka pop-up camera diya gaya hai. Inn sabhi specs ke saath saath aapko iss phone mein 4000mAh ki battery aur in-display finger print scanner milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: