OnePlus 7T Pro Ki India Launch Date Huyi Announce, Phone Mein Mil Sakta Hai Naya Color Option

OnePlus ne haal hi mein India mein OnePlus 7T smartphone ko launch kiya hai. Launch ko abhi jyada time bhi nahi hua hai, aur company ne isi series ke next phone OnePlus 7T Pro ka teaser jaari kar diya hai. Iss teaser mein bataya gaya hai ki company 10th October ko ek aur phone ko launch karne wali hai. OnePlus India ke twitter handle se share kiye URL ke through Amazon.in ka page mention kiya gaya hai, jismein phone ki launch date disclose ki gayi hai.

Yeh OnePlus 7T Pro, kuch mahine pehle launch kiye gaye OnePlus 7 Pro Smartphone ka upgraded variant hoga. Ismein aapko aur bhi behtar features dekhne ko milenge.

Image Credit : @[email protected]

OnePlus 7T Pro smartphone ka launch event Magazine London Theater, London mein organize kiya gaya hai. London timing ki according aap ise 10 October ko 6:00 BST par dekh sakte hain. Wahin same day India mein bhi iss phone ka launch event, Indian time ki according 8:30 PM IST par start hoga.

Also Read : OnePlus 8 Ka first Look Hua Leak

Haal hi mein HDFC Bank’s SmartBuy offer page dwara reveal ki gayi information mein bataya gaya tha, ki yeh phone online aur offline donon hi market mein sale ke liye available hoga. Launch ke baad phone ki sale 15th October se shuru ki jaayegi. Iske alawa famous tipster Ishaan Agarwal ne bataya tha ki iss phone mein aapko Haze Blue color option bhi diya jaayega.

Baat karein phone ke rumored specs ki to, iss phone mein aapko 6.65-inch ki Fluid AMOLED QuadHD+ display mil sakti hai, jiska screen refresh rate 90Hz hoga. Itna hi nahi, phone mein aapko Qualcomm Snapdragon 855+ chipset bhi dekhne ko mil sakti hai. Saath hi yeh phone optical in-display fingerprint sensor aur Warp Charge 30T fast charging Support aur latest Android 10 ke saath launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: