OnePlus 7T Mein Mil Sakta Hai Warp Charge 30T, Wireless Charging Ko Le Kar Ye Kaha CEO Ne

OnePlus next week India mein apne first TV aur OnePlus 7T smartphone ko launch karne wali hai, jiski confirmed  launch date already humare saamne aa chuki hai. Phone se related specs leaks bhi humein dekhne ko mili thi. Haal hi mein TechRadar ko diye gaye interview mein OnePlus CEO Pete Lau ne phone ki charging technology ki jaankari di hai.

Image credit : OnleaksXPricebaba

 

Pete Lau ne bataya ki iss phone mein Warp Charge 3T ka use kiya jaa sakta hai jo previous charging technology ke compare mein 23% jyada fast charge karega. Haalanki company abhi iss technology ko aur bhi refine karne mein lagi huyi hai. Saath hi wah tab tak ise introduce nahi karenge jab tak wah ise audience ke liye aur bhi behtar nahi bana lete hain.

OnePlus 7T se jude specs ki baat karein to iss phone mein 6.5 inch ki FHD+ Fluid AMOLED display di jaa sakti hai, jiska screen refresh rate 90Hz hoga. Iske alawa phone mein Qualcomm Snapdragon 855+ chispet ka use kiya jaa sakta hai jiske saath humein Adreno 640 GPU dekhne ko mil sakta hai. Yeh phone 3800mAh ki battery ke saath launch kiya jaa sakta hai, jismein humein Warp Charge 3T dekhne ko mil sakta hai. Yeh charger 5V par 6A output deliver karega.

OnePlus ke CEO ne bataya wah apne phones mein wireless charging ka option provide kyun nahi kar rahe hain. Unka maanna hai ki wireless charging abhi utni fast nahi hai jitni wah apne phones mein dena chahte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: