OnePlus 7 Vs ASUS Zenfone 6 Detailed Comparison: Notchless Design Or Waterdrop Notch?

OnePlus 7 series, jiska sabhi ko intezaar tha, finally launch ho chuki hai. Halaanki iska Pro variant, ek truly flagship hai, lekin thoda expensive hai. Wahin OnePlus 7 ka price isse kaafi  kam hai aur Snapdragon 855 chipset ke saath launch karke, company ne apne fans ko ek achha surprise diya hai. Lekin wahin ek aur flagship smartphone India mein aane waala hai, hum yahaan Zenfone 6 ki baat kar rahe hain, jiska price segment similar hi hone wala hai aur aise mein in dono smartphones ke beech aap kya choose karenge? Aaiye aapke choose karne se pehle, karte hain OnePlus 7 aur ASUS Zenfone 6 ka ek detailed comparison.

Design

Pehle yahaan Zenfone 6 ki baat karte hain, jo ki bilkul naye aur notchless design ke saath aaya hai. Halaanki ye OnePlus 7 se thoda sa bada hai, lekin uska kaaran hai, ismein di gayi 5000mAh ki badi battery. Saath hi iske motorized flip camera ke saath, ye ek fresh aur exciting design hai.

Jabki OnePlus 7 mein aapko waterdrop notch milti hai aur iska design, last year launch huye OnePlus 6T se kaafi similar hai. Iske alawa dono hi smartphones mein aapko glass sandwich design milta hai, lekin yahaan par bhi ASUS mein Corning Gorilla Glass 6 hai, jabki OnePlus 7 mein Corning Gorilla Glass 5 ka use kiya gaya hai.

Dono hi smartphones look wise behtar hai, lekin ASUS Zenfone 6 apne naye aur notchless design ke saath logon ko jyada attractive lag sakta hai. Wahin ismein ek +point ye bhi hai, ki ye notchless hai aur aaj ke samay ke hisaab se jyada trendy bhi hai aur aane waale samay mein iska trend abhi bana rehne wala hai. Jabki OnePlus 7 mein waterdrop notch hai, jo ki ab ek purana design hai, kyunki mostly companies, flagship smartphones mein ab notchless display ya punch-hole selfie camera hi de rahi hain.

Display

Zenfone 6 aur OnePlus 7, dono hi ki displays kaafi achhi aur behtar quality ki hain. Dono mein aapko 6.4 inches ki display milti hai, lekin OnePlus 7 mein Optic AMOLED panel ka use kiya hai, jabki Zenfone 6 mein IPS LCD display hai. Halaanki AMOLED display kaafi achhi hoti hai, lekin Zenfone 6 ki IPS LCD display bhi aapko is baar kaafi achhi quality ke saath milti hai aur dono smartphones ki displays mein brightness, sunlight visibility, detailing kaafi achhe hain.

Display ke maamle mein aap koi bhi phone chun sakte hain. Dono hi smartphones mein aapko 2-3 color profiles aur dark mode hi mil jaata hai. Bas fark kewal waterdrop notch aur notchless display ka hi hai.

Performance

ASUS ke Zenfone 6 aur OnePlus 7 Pro, dono mein hi 7nm process based Octa Core Qualcomm Snapdragon 855 chipset hai aur iske saath mein Adreno 640 GPU bhi hai. Dono hi smartphones ki performance kaafi achhi aur fast hai.

Lekin yahaan par ek kaafi bada difference ye hai ki Zenfone 6 mein aapko UFS 2.1 storage milti hai, jabki OnePlus 7 mein aapko latest aur faster UFS 3.0 storage milti hai. Yahaan par faster storage option milne ki wajah se OnePlus 7 aapko aur jyada smooth aur fast performance dega.

Basic aur moderate users ke liye, dono smartphones ki performances similar hi hai. Lekin heavy games aur high-end applications ko dekhte huye, OnePlus 7 mein UFS 3.0 ek advantage hai, jiski wajah se iski performance, Zenfone 6 ke mukaable slightly better ho jaati hai.

Software

In dono hi smartphones mein humein Android 9.0 Pie OS milta hai, lekin saath hi customized UI bhi hai. OnePlus 7 mein Oxygen OS hai aur Zenfone 6 mein Zen UI hai. Oxygen OS ke baare mein aap shayad, jaante hi honge, ki ye kaafi behtar hai. Saath hi Zen UI ko bhi company ne kaafi improve kiya hai. Aur is baar dono hi phones mein aapko ye stock Android ke near hi milte hain aur kaafi smooth aur simple bhi hain.

Camera

Yahaan bhi dono mein dual rear cameras hain aur dono ka hi primary rear camera 48MP ka hai aur Sony IMX586 sensor ke saath aata hai. OnePlus 7 mein secondary camera 5 MP ka depth focusing shooter hai aur iske front par apko 16MP ka sefie camera Sony IMX 471 sensor ke saath milta hai.

Jabki Zenfone 6 mein secondary rear camera 13MP ka ultra wide angle lens hai aur yahaan par ek advantage ye hai ki flip karke, jab aap ise selfie cameras ki tarah use karte hain, to aapko 48+13 MP ke dual selfie cameras milte hain aur ultra wide angle lens ke saath aap group selfies bhi kaafi achi click kar sakte hain aur 48 MP camera ke saath yahaan apko selfies aur rear camera se li gayi images, dono mein hi kaafi achhi detailing milne waali hai.

Iske alawa Zenfone 6 ka flip camera, OnePlus 7 ke comparison mein aapko jyada behtar panorama shots click karke deta hai.

Camera section mein, Zenfone 6 hi clear winner hai.

Battery

Yahaan par bhi aapko Zenfone 6 mein 5000mAh ki badi battery milti hai, saath hi ismein 18W Quick Charge 4.0 fast charging support hai, jabki OnePlus 7 mein aapko 3700mAh ki battery milti hai aur saath 20W Warp Charge fast charging support hai.

Battery capacity mein kaafi difference hai, lekin fast charging, dono phones mein di gayi hai. Halaanki Zenfone 6 ki battery yahaan long lasting hai.

Prices & Availability

OnePlus 7 ke 6GB+128GB version ko aap 32,999 INR mein aur 8GB+256GB version ko aap 37,999 INR mein kharid sakte hain.

Zenfone 6 ka India launch jaldi hi hone wala hai, iski price bhi hum tabhi bata payenge. Lekin iski global pricing details aap neeche dekh sakte hain.

  • 6GB+64GB storage – 499 Euros (approx. 39,000 INR)
  • 6GB+128GB storage – 559 Euros (approx. 44,000 INR)
  • 8GB+256GB storage – 599 Euros (approx. 47,000 INR)

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: