OnePlus 7 Series Ka First Official Teaser Saamne Aaya

Kayi tasveeron aur specs ki leaks ke baad, aaj finally OnePlus CEO Pete Lau ne khud OnePlus 7 ke launch ka first official teaser showcase kiya. Pete Lau ne ek GIF image tweet ki hai jo ki OnePlus 7 series ke smartphones ke launch ki taraf ishaara karti hain. Iske alawa popular leakster Ishan Agarwal ne bhi is upcoming series ke kuch specs leak kiye hain.

Pete Lau ne apne tweet mein mention kiya ki, “aane waala product Fast aur Smooth Hoga, saath hi unhone likha hai ki, ye ek hardware and software ka amazing and true test hoga. Naya upcoming product beautiful hai and wo ise consumers ko show karne ka wait kar rahe hain.” Ye saari baatein upcoming OnePlus 7 Pro and OnePlus 7 ki taraf hi ishaara kar rahi hain. Iske alawa is gif se ye bhi lag raha hai ki is smartphone series mein curved display ho sakti hai.

Pehle aaye rumors ke according ye handsets triple rear cameras ke saath aane waale hain aur expected hai ki ye three dots is gif mein usi ka hint de rahi hain. Iske alawa company CEO ka ye kehna ki ye fast hoga, ek flagship chipset ki taraf ishaara karte hain. Iske alawa Ishan Agarwal ne tweet kiya tha, ki OnePlus 7 mein 90 Hz screen refresh rate hoga.

Iske alawa OnePlus 7 Pro mein QHD+ display ho sakti hai aur OnePlus 7 mein full HD+ Super Optic AMOLED display aane ki ummid hai. Saath hi Snapdragon 855 chipset expect kiya jaa raha hai. Maana jaa raha hai ki ismein 8GB tak ki RAM aur 256GB tak ki storage hogi.

Well, company ab apne competitors ke against kitna behtar product launch karti hai, ye to jaane mein thoda waqt lagega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: