OnePlus 7 Pro & OnePlus 7 Live Updates : Kindly Refresh The Page Every 5 Minutes To Get Latest Updates

Hello Guys ! Sharmaji Infinity par first time hum aapko kisi launch event ke live updates de rahe hain. Aaj OnePlus 7 & 7 Pro ke launch event ki har ek minute ki updates aapko is article mein milegi. OnePlus 7 & 7 Pro ka launch event Bangalore, India mein start ho chuka hai. Latest updates ko jaanne ke liye aap har 5 minute mein page ko refresh kar sakte hain.

8:35 pm

OnePlus CEO Pete Lau, OnePlus series ko introduce karne ke liye stage par hain aur saath hi unhone bataaya hai ki ye smartphone, is industry mein ek new benchmark set karega. Iske alawa unhone bataaya ki last year launch hua OnePlus 6T bhi 2019 ke first quarter mein most selling premium smartphone raha hai.

8:41 pm

OnePlus 7 Pro ke design mein sabse pehle bataaya hai ki ye handset water resistant hoga. Saath hi ye  smartphone Almond, Mirror Grey aur Nebula Blue colors mein aayega.

8: 45 pm

OnePlus 7 Pro mein ab tak ki sabse badi display 6.67 inch ki display hogi. Saath hi ise Fluid AMOLED display ka naam diya gaya hai. Ye HDR 10 supported display hogi aur HDR content bhi aap is par enjoy kar sakte hain. Ye 90 Hz refresh rate ke saath aane waali QHD+ display hogi. Saath hi is display mein Night mode, Blue light fliter jaise features bhi honge.

8:50 pm

Is smartphone mein triple rear camera diya gaya hai aur company ne according ye ab tak ka sabse behtar camera hai, jismein pixel binning technology ka bhi istemaal hoga aur ye aapko clear aur natural photos provide karega.

8:55 pm

OnePlus 7 Pro mein in-display fingerprint scanner hai, jo sirf 0.21 seconds mein unlock hoga aur company claim karti hai ki ye ab tak ka sabse fast in-display fingerprint sensor hoga.

8:57 pm

Is smartphone mein curved edge display hai aur yahaan par sabse attractive ye hoga ki agar screen off hai aur koi notification aata hai, to iske display ke chaaron taraf, edges par blue lighting aapko nazar aayegi.

8:59 pm

Ismein 48MP ka main camera hai, jo f/1.6 aperture aur OIS ke saath aayega. saath hi 3x optical zoom lens hai, jo f/2.4 aperture ke saath diya hai aur 16 MP ka ultra wide angle lens hai jo 117 degree wide angle lens aur f/2.2 aperture ke saath aayega.

 

9:00 pm

OnePlus 7 Pro mein 16 MP ka front camera diya gaya hai aur ye slider mechanism based hai jo display ke under hai. Company ke according, agar aap ise ek din mein 50 times bhi use karte hain, to bhi ye perfectly kaam karega.

9:03 pm

OnePlus 7 Pro mein Octa Core Qualcomm Snapdragon 855 chipset moujood hoga. Ye Snapdragon 845 se 40% faster hai aur 20% power efficeint hai. Iske saath company OnePlus 7 phones mein 12GB tak ke  RAM variants dene waali hai. Ismein aapko UFS 3.0 storage milne waali hai, jo ki UFS 2.1 se 79% faster hai aur OnePlus 7 series, is technology ke saath aane waale first smartphones hain.

9:06 pm

OnePlus 7 Pro mein Liquid Cooling system bhi hai. Ismein 4000mAh ki battery hai aur Warp Charge Technology ke saath aayega. Ye sirf 20 minutes mein 0 to 50% tak aapke smartphone ko charge karega.

9:10 pm

Yahaan aapko dual stereo speakers milte hain jo Dolby Atmos supported hain. Saath hi yahaan strong and new vibration motor ka use kiya gaya hai.

9:15 pm

OnePlus 7 Pro Oxygen OS 9.5 aur Android 9.0 Pie OS ke saath aayega. Ismein jaldi hi Android Q beta update ka promise bhi kiya gaya hai. Iske alawa 2 years aapko regular android update aur 3 years tak Android security patch update milenge. Saath hi ye bhi bataaya gaya hai ki AOS Mark ke according Google ke baad OnePlus hi world ka second brand hai jo sabse jyada OTA updates puch karta hai.

9:20 pm

Oxygen Os 9.5 mein screen recorder, apps ke liye 90Hz app support, new navigation gestures jaise features hain.

Best gaming experience provide karne ke liye yahaan company ne famous sports organization fnatic ke saath tie up kiya hai. Gaming mode mein aapko world class experince dene ke liye yahaan ek Fnatic mode bhi hai.

9:25 pm

Ek naya feature hai, yahaan ‘Zen Mode’. Is mode ko on karke aap apne smartphone se 20 minutes ka break le sakte hain. Aise mein is mode ko on karne par aapke paas kuch options honge, jaise ki enjoy life, reading, dating, etc. inmein se kisi ek ko select karein aur ismein aap sirf urgent calls le sakte hain aur aapka camera on hoga. 20 minutes ke baad, phone normally use kiya jaa sakta hai.

9:30 pm

onePlus ne Qualcomm ke saath collaboration mein OnePlus 7 Pro 5G variant showcase kiya hai. Filhaal India mein is variant ko launch karne ke koi plans nahin hain.

9:33 pm

Finally company ne OnePlus 7 ka inroduction start kar diya hai. Ye smartphone waterdrop notch aur dual rear cameras ke saath aayega.

9:37 pm

OnePlus 7 mein bhi Snapdragon 855 chipset hi moujood hai aur yahaan par bhi aapko main camera 48 MP ka milta hai, jo ki Sony sensor ke saath aayega aur another 5 MP ka depth sensor diya gaya hai.

9:44 pm

OnePlus 7 mein bhi aapko OnePlus 7 Pro ki hi tarah Stereo speakera aur dolby atmos support milta hai.

9:45 pm

Company ne OnePlus Bullets Wireless 2 bhi announce kar diya hain. Ye earphones triple driver setup ke saath aate hain, jo aapko sound clarity aur complete details offer karta hai. Saath hi Qualcomm ke apt X HD 24 bit hi-res audio support aur Bluetooth 5.0 ke saath launch hua hai.

9:48 pm

OnePlus Bullets Wireless 2 aapko 10 minutes ke charge mein 10 hours ka battery backup deta hai.

9:50 pm

OnePlus Bullets Wireless 2 May 21st se 99 pounds ke price par available hain.

9:53 pm

OnePlus 7 Pro ke three storage options mein, 6GB+128GB ka price 649 pounds, 8GB+256GB variant ka price 699 pounds aur 12GB+256GB variant ka cost 799 pounds hai.

10:00 pm

OnePlus 7 Pro ke three storage options – 6GB+128GB, 8GB+256GB, 12GB+256GB ke prices 48,999 INR, 52, 999 INR & 57,999 INR hain. Wahin OnePlus 7 ke prices 6GB+128GB ke 32,999 INR aur 8GB+256GB ke 37,999 INR hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: