OnePlus 7 Pro Mein Hoga 3x and 10x Optical Zoom, Camera Samples Saamne Aaye

OnePlus 7 Pro ke kaafi leaks, images bahaar aa chuki hain. 14th May ko launch hone jaa rahe is smartphone ki official camera samples bhi aaj reveal ho chuke hain. Is smartphone mein humein triple rear camera setup dekhne ko milne waala hai. Samsung ke Galaxy S10 series aur Huawei P30 Pro ke cameras se OnePlus 7 Pro ke camera ko compare kiya jaa raha hai. Aaiye aapko dikhaate hain, kuch camera samples.

Itna to confirm ho hi chuka hai ki is baar OnePlus ke two smartphones aa rahe hain, jismein OnePlus 7 Pro top variant hai aur saath hi pop-up selfie camera camera aur triple rear cameras ke saath aane waala hai. OnePlus 7 Pro, company ka first 5G smartphone bhi hoga, jismein 48 MP ka primary camera bhi moujood hai. Saath hi ismein 3x optical zoom lens hai, jiske saath images click karne par kaafi achhi details capture ki gayi hai, lekin ye kaafi had tak OnePlus 6T jaisa hi performance de raha hai.

OnePlus 7 Pro camera sample

Company ke according, is smartphone mein 10x optical zoom bhi moujood hai. Halaanki jo camera samples aa dekh paa rahe hain, unmein detailing, colors, sab kuch kaafi achha hai. Lekin agar P30 Pro ke camera se compare kiya jaaye, to kahin na kahin kuch kamiyaan bhi nazar aayengi.

Iske alawa OnePlus 7 Pro mein Time Of Flight camera bhi nahin diya gaya hai, jo ki portrait shots ke liye hota hai, saath hi AI bhi nahin hai. Yahaan aapko camera mein auto HDR option bhi milta hai, jiske saath images lene par aapko kaafi achha result dikhaai dega.

OnePlus 7 Pro camera sample

OnePlus 7 Pro mein bhi aapko Huawei P30 Pro ki tarah hi dedicated Night mode milta hai, jiske saath hi gayi image bhi aap yahaan dekh sakte hain. Company CEO ke according, “ Wo apne smartphones se li gayi images mein aur jyada clarity aur density lekar aa paaye hain. Pehle aaye OnePlus phones ke mukaable OnePlus 7 Pro se click ki gayi pictures mein kaafi jyada detail aapko dekhne ko milegi.”

OnePlus 7 Pro camera ‘night mode’ sample

Well, ye to hain images aur company officials ka kehna, lekin in images ko dekhkar aap OnePlus 7 Pro ke camera ke baare mein kya kahenge?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: