OnePlus 7 Pro Ki Complete & Detailed Specifications Sheet Leak Hui

Is samay agar koi smartphone sabse jyada charcha mein hai, to wo hai, OnePlus 7 Pro. OnePlus 7 ke saath, ye Pro variant bhi 14th May ko launch hone jaa raha hai. Jahaan company is handset ke kuch specs tease kar rahi hai, wahin aap iski poori detailed specs sheet leak ho gayi hai, jiski tasveer aap neeche dekh sakte hain.

OnePlus 7 Pro ke baare mein ab tak kaafi kuch rumors aa chuke hain, lekin ye ek detailed specifications sheet hai, jahaan kaafi kuch aur bhi saamne aaya hai. Is smartphone mein 6.67 inches ki Quad HD+ display hogi, jiski pixel resolution 3120 x 1440 pixels hai. 90Hz refresh rate ke saath aane waali is display ko, company ne fluid AMOLED display ka naam diya hai.

        

OnePlus 7 Pro mein Qualcomm Snapdragon 855 processor hoga, jismein one Cortex A76 core ki clock speed 2.84 GHz hai, three Cortex A76 cores ko 2.42GHz ki speed par clock kiya gaya hai aur other four Cortex A55 cores ki clock speed 1.8 GHz hai. Ismein aapko Android 9.0 Pie OS ke saath Oxygen OS milne waala hai.

Is leaked specs sheet ke according, is smartphone mein 48 MP ka primary camera, f/1.6 aperture ke saath aayega, 16 MP ka wide angle lens, f/2.2 aperture ke saath aur 8 MP ka camera, 3x optical zoom aur f/2.4 aperture ke saath nazar aa raha hai. Saath hi aap dekh sakte hain ki yahaan PDAF, LAF, Continuous Autofocus (CAF) aur dual LED flash jaise camera features bhi mention hain.

OnePlus 7 Pro mein 16 MP ka front camera expected hai, jismein Sony IMX471 sensor, f/2.0 aperture aur 1080p @ 30fps jaise features shaamil hain. Saath hi yahaan par ye bhi likha hai, ki ye pop-up camera hoga. Is smartphone mein 4000mAh ki battery, Warp Charge technology ke saath aayegi. Connectivity features mein dual nano SIM slots, Bluetooth 5.0, NFC, Wi-Fi ac, USB 3.1 type-C, GLONASS, Beidou, Galileo, GPS included hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: