OnePlus 7 Pro Ke Exciting Features : Sab Kuch Jo Aapko Launch Se Pehle Zaroor Janna Chahiye

OnePlus 7 series ki launch date announce ho chuki hai aur usse pehle kaafi leaks bhi hamaare saamne aaye hain. Lekin launch date ke nazdeek aate aate company khud smartphone ke exciting features ke saath isse promote aur tease kar rahi hai. Aaiye aapko bataate hain ki aakhir is smartphone mein kaun se exciting features aane waale hain, aur aisa kya hai, is smartphone ke baare mein, jo humein aur aapko launch se pehle jaanna chahiye.

Triple Rear Cameras

Pehli baar company ‘Pro’ moniker ke saath ek smartphone launch kar rahi hai. Yahaan OnePlus 7 mein dual rear cameras honge, jabki OnePlus 7 Pro mein triple rear sensors hain aur iske camera samples bhi reveal ho chuke hain.

Ismein 48 MP ka primary camera f/1.6 aperture aur OIS ke saath hoga, 16 MP ka sensor 117 degree wide angle lens ke saath aayega aur third 8 MP shooter 3x lossless zoom ke saath aayega. Yahaan par bataaya jaa raha hai ki iski performance kaafi had tak OnePlus 6T ke camera jaisi hai. Detailing, color saturation, sharpness sab kuch kaafi achha hai, lekin jaise ki other flagship phones mein hote hain, yahaan ToF camera missing hai. Saath hi camera mein AI software bhi add nahin kiya gaya.

Iske alawa Wired ne jo camera samples reveal kiye hain, unke according company ne night shots aur HDR mein improvements kiye hain.

Notchless Display

OnePlus ke ye first smartphones honge, jinmein notchless display di gayi hai. Saath hi OnePlus 7 Pro mein company first time 2K display lekar aane waali hai. Bataaya jaa raha hai ki, ye company ki ab tak ki best ever display hogi, jismein 90Hz ka refreshing rate hoga. Ismein 6.7 inch ki QHD+ display ho sakti hai aur is flagship smartphone ki display ko DisplayMate ke through A+ rating di gayi hai.

 

Saath hi bataaya gaya hai ki VDE Testing and Certification Institute ke through bhi ise ‘Safety For Eyes’ certification mil chuka hai. Ye phone curved display protection ke sath market mein launch hoga. Company ke according, “colour accuracy, brightness, contrast ho ya phir sharpness, har category mein OnePlus 7 Pro ki display is baar best hai.

Three Storage Options & Price

OnePlus 7 Pro mein three storage options relase kiye jaane waale hain. Inmein 6GB RAM ke saath 128GB storage, 8GB RAM ke saath 256GB internal memory aur 12GB RAM ke saath 256GB storage versions shaamil hain. Saath hi inki price bhi saamne aayi hai aur ye ab tak ka sabse expensive OnePlus phone hone waala hai.

6GB+128GB variant ki rumored price €699 (approx. 54,000 INR), 8GB+256GB ka cost €749 (approx. 58,000 INR) aur 12GB+256GB version ka price €819 (approx. 63,500 INR) ho sakta hai.

Snapdragon 855 Chipset

OnePlus 7 Pro mein aapko Qualcomm ka latest flagship Snapdragon 855 chipset milne waala hai. Ye 7nm process based CPU hai, jise tri-cluster architecture ke saath design kiya gaya hai. Yahaan aapko ek huge Cortex A76 core milta hai, jiski speed 2.84GHz hai, three big Cortex A76 cores ki clock speed 2.42GHz hai aur four small Cortex A55 cores ko 1.8 GHz ki speed par clock kiya gaya hai.

Snapdragon 855, SD 845 se 29% faster aur smooth hai. Yahaan aapko sabse best performance milti hai.

Warp Charge Technology

OnePlus 6T, Warp Charge Technology ke saath aane waala pehla phone tha, aur ab ye technology humein OnePlus 7 Pro mein bhi milegi. Is smartphone mein 4000mAh ki battery hai, aur Warp Charge technology se phone ko kewal 20 minutes mein 50% tak aur 60 minutes mein 100% charge kar sakte hain.

Gaming ya phir other ways mein bhi phone ko use karte huye bhi agar aap charge karte hain, to bhi ye technology aapko phone ko Samsung Galaxy Note 9 aur Googlr Pixel 3 XL ke doguni speed se charge karta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: