OnePlus 7 Pro Ke Baare Mein Aap Nahin Jaante Ye 5 Baatein

OnePlus 7 Pro, India mein last month launch kiya jaa chuka hai. Is smartphone mein kaafi saari aisi baatein hain, jo ise ek flagship smartphone banaati hain. Ismein company ne 90Hhz refresh rate ke saath FHD+ Fluid AMOLED display, snapdragon 855 chipset, triple rear cameras aur Warp charge technology jaise features diye hain, lekin phir bhi kuch aisi baatein hain, jo shayad aap OnePlus 7 Pro ke baare mein nahin jaante hain.

90fps games supported nahin hai

OnePlus 7 Pro ko company ne 90Hz display ke saath promote kiya hai, iska matlab hai ki ek second mein OnePlus ki screen par 90 frames push kiye jaa sakte hain. Iski wajah se scrolling aur baaki jo bhi motion ya moving animations hain, wo kaafi smooth ho jaate hain.

Image source: Android Pit

90Hz screen ki sabse useful application gaming ke liye hai, lekin surprisingly 90Hz display ke baad bhi, OnePlus 7 Pro mein 90fps supported games nahin khele jaa sakte. Ho sakta hai ki company aage chalkar kuch games ke liye 90fps support karne ke liye software update de, lekin aise games aap is handset par filhaal enjoy nahin kar sakte.

Iske saath hi phone, camera apps mein aur videos dekhte samay bhi, display automatically hi 60Hz par chalta hai.

Optical Zoom 3x nahin, sirf 2.2x hai

OnePlus ne, apne marketing material aur launch presentation mein phone mein 3x optical zoom ka daava kiya tha, lekin reality mein OnePlus 7 Pro mein sirf 2.2x optical zoom hai, baaki 0.8x digital crop se zoom hota hai.

Is smartphone ke baare mein ye baat sabse pehle ek reddit user ne observe ki, iske baad hi ye baat sabhi ke saamne aayi hai. Isse pehle bhi OnePlus 5 mein, company ne 2x zoom batakar, kewal 1.6x optical zoom diya tha.

 Portait Mode Mein Unnatural Zoom

OnePlus 7 Pro mein portrait mode se li gayi images mein, telephoto lens use hota hai. Is wajah se, jaise hi aap normal photo mode se, portrait mode mein shift karte hain, to camera subject par zoom karta hai, isiliye close objects ya camera ke paas khade logon ka portrait shot lena thoda mushkil hai. Yahaan par portrait mode se image lene ke liye, aapko baar-baar apni position adjust karni padegi.

UFS 2.1 Storage Ke Saath Aane waale Phones Se Bahut Fast Nahin Hai

OnePlus Pro pehla phone hai, jo market mein UFS 3.0 storage ke saath available hai. Lekin USF 3.0 storage ke baawajood bhi, wo acche UFS 2.1 storage waale phones ke mukaable jyada fast nahin hai.

Jaisa ki YouTube Channel Garyexplains ne apne test mein dikhaaya, ki slow random read & write speed ki wajah se OnePlus 7 Pro ka overall storage performance achhe UFS 2.1 storage phones ke mukaable kam hai.

OnePlus 7 Pro mein, UFS 3.0 ki full bandwidth ka advantage aapko tabhi milta hai, jab aap koi badi file phone storage par transfer karte hain ya phir wahaan se uthaate hain.

Kya OnePlus 7 Pro Mein Sahi Mein Hai 10 Layer Liquid Cooling?

OnePlus 7 Pro, games ke liye ek kaafi achha phone hai aur iska ek main reason ye bhi hai ki ismein heat management kaafi achha hai. Lekin jaisa ki bataaya gaya hai, kya sach mein ye phone 10 layer liquid cooling technology ke saath aata hai?

JerryRigEverything ne jab is phone ka teardown kiya, yo wahaan 10 layers nahin mile. Ye bhi ho sakta hai ki ismein same Oppo Reno 10x zoom waala 3 layer cooling system ho, jise 10 layer cooling system ki tarah market kiya jaa raha hai.

OnePlus 7 Pro, apne features ke according, thoda costly zaroor lag sakta hai, lekin phir bhi ye ek kaafi achha smartphone hai. Lekin agar aap ye phone kharid rahe hain, to ye kuch baatein hai, jinke baare mein aapko pata hona zaroori hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: