OnePlus 7 Ki Launch Date & Features Saamne Aaye; Saath hi Launch Ho Sakta Hai OnePlus 7 Pro

Is samay hum sabhi ko OnePlus ke upcoming flagship OnePlus 7 ka intezaar hai aur company is smartphone par kaam bhi kar rahi hai. Kuch samay pehle OnePlus 7 ke image leaks par bhi kaafi charcha hui thi aur images waakyi mein impressive thi. Aur aaj ji khabar ye hai ki is impressive dikhne waale smartphone OnePlus 7 ki launch date announce ho gayi hai.

Saath hi khabar ye bhi hai, ki OnePlus 7 ka ek Pro variant bhi iske saath launch kiya jayega, jismein 5G connectivity hogi. Ye khabar famous tipster Ishan Agarwal ne di hai ki, OnePlus 7 ke saath OnePlus 7 Pro ko bhi company 14th May, 2019 ko launch karne waali hai.

Ishan Agarwal ne apne tweet mein kaha hai ki ab wo confirm kar sakte hain ki OnePlus 7 series ka global launch 14th May ko hone waala hai. Images mein aap dekh hi chuke hain ki ye upcoming handset, triple rear cameras aayega, jismein 48 MP ka primary sensor, 20 MP ka secondary aur 16 MP ka third camera shaamil hoga. Iske alawa ye dono variants pop-up selfie camera ke saath launch ho sakte hain. In handsets mein Octa Core Qualcomm Snapdragon 855 chipset dekhne ko mil sakta hai.

Iske alawa jo rumors aaye hain, unke according OnePlus 7 mein 4150mAh ki battery hogi, jo ki OnePlus ki nayi fast charging technology Warp Charge fast-charging ke saath aayegi. Iske alawa ismein 6.67 inch ki full HD+ Super optic AMOLED display ho sakti hai aur ye 8GB RAM aur 256GB internal storage ke saath market mein aayega.

Saath hi OnePlus 7 mein humein Android 9.0 Pie OS dekhne ko milega, jo ki Oxygen OS ke saath aayega.  Iske alawa OnePlus se bhi ab foldable smartphones ki ummidein lagaayi jaa rahi thi, lekin haal hi mein company ke CEO Pete Lau ne confirm kiya hai ki company abhi jaldi mein koi foldable smartphone launch nahin karne waali hai. Filhaal company ka focus aane waale product OnePlus TV par hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: