OnePlus 7 Ke Concept Renders: Triple Rear Cameras, In-Display Front Camera Aur Full Design Ke Saath Pictures Reveal Hui

OnePlus 6T mein aapko waterdrop notch ke saath, higher screen dene ki koshish ki gayi hai aur waakyi mein phone isse kaafi achha dikh raha hai. Lekin wahin ab OnePlus 7 ke concept ko lekar market mein charcha shuru ho chuki hai. Aur aaj OnePlus 7 ke concept renders market mein aa chuke hain.

In-display fingerprint scanner ke baad, ab naya trend 2019 mein in-display front camera ka hoga aur Oppo ka R19 is feature ke saath aane waala first smartphone ho sakta hai. Aur OnePlus 7 ke leaked concept renders mein bhi yahi feature nazar aa raha hai. Neeche di gayi image mein aap OnePlus 7 ka concept dekh sakte hain, jismein in-display front camera aur lagbhag zero bezels dikhaayi de rahe hain. Rumors ke according ye front camera 24 MP ka ho sakta hai.

Iske alawa OnePlus 7 ke concept renders ki second image mein aap triple rear cameras dekh sakte hain aur uske theek neeche LED flash light nazar aa rahi hai, jiske baad OnePlus ka logo bhi hai. Image mein aap dekh sakte hain ki primary camera 24 MP ka, secondary camera 12 MP ka aur third camera 8 MP ka bataaya jaa raha hai.

Iske alawa rumors ke according OnePlus 7 mein bhi OnePlus 6T ki tarah full HD+ Optic AMOLED display hi ho sakti hai aur in-display fingerprint scanner bhi hoga. Iska rear panel mein third camera add kiya jayega, lekin kaha jaa raha hai ki otherwise se OnePlus 6T ke rear panel se bahut similar hi hoga.

Concept renders ke according OnePlus 7 mein 4150mAh ki battery bhi hogi. Iske alawa next year mein sabhi flagship smartphones 5G support ke saath aa sakte hain, lekin OnePlus 7 mein iske support ki abhi koi confirmation nahin hai.

Lekin ek nayi khabar ye hai ki OnePlus 5G support ke saath ek nayi series announce kar sakta hai, jise MWC 2019 mein unveil kiya jayega. Well, dekhna ye hai ki waakyi mein OnePlus koi nayi series launch karega ya OnePlus 7 hi, company ka first 5G smartphone hoga.

Ab ye concept renders kitne sahi hain ya kitne galat, ye to aane waale samay mein leaks aur rumors se pata chal hi jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: