OnePlus 7 First Image & Specs Leaked – Stunning Looks, Pop-Up Selfie Camera & Slimmer Design

OnePlus ke upcoming flagship smartphone ko lekar market mein kaafi hulchul hai. Haal hi mein MWC 2019 ke dauraan company ke apne prototype ko showcase to kiya, lekin uska design reveal nahin hone diya. Aaj OnLeaks ke through is smartphone ka complete look humein dekhne ko mila hai.

Sabse pehle to ye aane wala smartphone OnePlus ka first smartphone hoga, jismein humein triple rear cameras dekhne ko milne waale hain. Saath hi aap dekh sakte hain ki OnePlus ne bhi 2019 ke trend ko follow karte huye, OnePlus 7 mein notch less display di hai.

Iske alawa OnePlus 7 mein bhi Vivo V15 Pro ki hi tarah, pop-up selfie camera hai, jiska istemaal OnePlus ismein first time kar raha hai. Aap dekh sakte amazing bezel-less display nazar aa rahi hai aur isi se related rumors ye hain ki ye flagship smartphone 95% screen to body ratio ke saath aa sakta hai.

Is upcoming flagship ki bottom edge par USB Type-C port aur speaker grill hai, saath hi right edge par power button & volume rockers nazar aa rahe hain. Rear panel par center mein triple camera setup, LED flash  aur OnePlus ka logo hai.

Is handset mein bhi company in-display fingerprint sensor dene waali hai, lekin wo apne predecessor se kitna fast hoga, ye to launch ke samay hi pata chal sakega.

Iske alawa rumors ye kehte hain ki OnePlus 7 mein humein 6.5 inch ki display milegi aur expected hai ki ye full HD+ resolution ke saath hi aaye aur company ismein AMOLED panel ka hi use kare. Ismein 6GB se lekar 10GB RAM tak ke options aur 256GB internal memory tak ke options dekhne ko mil sakte hain. Wahin battery ki baat karein to company is handset ko 4150mAh ki battery aur fast charging support ke saath release kar sakti hai.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: