OnePlus 6T Vs Xiaomi Poco F1 Detailed Comparison: Kaun Sa Hai Best Flagship ?

OnePlus 6T finally ab available hai aur iska base variant aapko 37,999 INR mein mil sakta hai. Lekin iski kimat ko dekhte huye, Xiaomi ne is flagship smartphone ko jamkar troll kiya. Saath hi Twitter pat ‘do-the-math” tag ke saath OnePlus 6T aur apne haal hi mein launch huye Poco F1 ko compare bhi kiya hai. Poco F1 ka 6GB+128GB variant is samay Flipkart par kewal 21,999 INR mein available hai.

Well, company ne to compare kar diya hai, lekin aapko kya lagta hai ? Kya Xiaomi ka Poco F1, OnePlus 6T ka waakyi mein strong competitor hai ya nahin ?

Agar aap bhi yahi soch rahe hain, to aaiye in dono smartphones ka detailed comparison kar jaante hain in sawaalon ke jawaab.

Design and Build Quality

OnePlus 6T mein, OnePlus 6 ke mukaable, design mein aapko slight changes mil sakte hain, lekin kuch khaas changes nahin hai. Yahaan par aapko waterdrop notch milti hai, jismein front camera hai aur OnePlus 6 ki notch ke mukaable ye design ko jyada impressive banaati hai. Saath hi lower bezel bhi thoda sa kam hua hai. Iske alawa fingerprint sensor bhi ab rear panel par nahin hai. Halaanki full view display aur waterdrop notch ki wajah se yahaan aapko notification light nahin milti hai.

Overall OnePlus 6T ki build quality kaafi achhi hai aur ye sturdy phone dekhne mein bhi kaafi elegant hai. Lekin iska mirror black color options, aasaani se fingerprint ya koi bhi nishaan pakad leta hai.

Wahin Poco F1 ki baat karein to, Xiaomi ka ye flagship device, premium look ke saath nahin aata. Iske alawa ismein badi notch hai, lower bezel bhi thick hai aur display ke chaaron taraf ka border bhi, OnePlus 6T ke comparison mein slightly thicker hai. Ike rear panel par center mein dual rear cameras hain aur unke thik neeche fingerprint sensor hai. Poco F1 ka rear panel polycarbonate ka bana hai aur design wise ye ek affordable handset jaise look deta hai.

Agar sirf design ko dhyaan mein rakhein, to OnePlus 6T, Poco F1 se kahin aage hai.

Display

Poco F1 mein 6.18 inch ki full HD+ 18.7:9 display hai, jis par aapko Corning Gorilla Glass layer bhi di gayi hai. Halaanki yahaan par aapko bezels thode thick milte hain, lekin is display mein aapko good viewing angles, accurate colors dekhne ko milte hain.

OnePlus 6T mein display size aapko Poco F1 ke mukaable thoda bada milta hai. Ismein 6.41 inch ki full HD+ optic AMOLED display hai, jo 19.5:9 aspect ratio ke saath di gayi hai. Saath hi ismein latest Corning Gorilla Glass 6 ki protection moujood hai. OnePlus 6T ki mein five display modes diye gaye hain, jinmein sRGB color gamut, DCI-P3 color gamut, Default, Adaptive mode aur custom color shaamil hain.

Ismein Ambient mode kaafi achha hai, jo aapko OLED screen light up ke saath notifications show karta hai. Is phone ke saath aapko box mein hi pre-applied screen protector bhi milta hai. Iski display kaafi crisp hai aur acche colors show karti hai. Wide viewing angles ke saath OnePlus 6T ki OLED display detailed content show karti hai. Curved corners, choti notch aur saturated colors ke saath, aap is par videos zaroor enjoy karenge.

Hardware and Software

Poco F1 aur OnePlus 6T dono mein hi Octa Core Qualcomm Snapdragon 845 processor aur Adreno 630 GPU diya gaya hai. Lekin Poco F1 mein four cores ki clock speed 1.8 GHz hai aur other four cores ki clock speed 2.8 GHz hai. Jabki OnePlus 6T mein eight cores ki clock speed 2.8 GHz hai.

Dono hi smartphones kaafi achha performance dete hain, heavy games ki baat ho, ya multiple apps or tasks ki, aapko kisi tarah ka koi lag nahin milta. Lekin Poco F1 mein apko ‘Liquid Cool’ feature bhi milta hai, jo aapke handset ko heavy usage ke dauraan, heat hone se bachata hai.

Gaming ko lekar bhi aapko koi shikayat nahin hogi. Dono hi smartphones par aap PUBG aur Asphalt 9 jaise heavy games smoothly khel sakte hain.

Poco F1 emin 6GB+64GB aur 6GB+128GB versions available hain. Iske Armoured Edition mein 8GB+256GB storage di gayi hai.

Wahin OnePlus 6T mein 6GB+128GB, 8GB+128GB aur 8GB+256GB storage options available hain.

Camera

Poco F1 mein 12+5 MP ka dual rear camera setup hai jo f/1.9 aperture (main), f/2.0 (secondary), 1.4-micron pixels aur dual-pixel autofocus jaise features included hain. Daylight mein liye gaye hain, photos mein aapko good amount of details, colors, aur sharpness dekhne ko milti hai. Iska rear camera chote chote objects par bhi achhe se focus karta hai. Wahin low-light photography itni achhi nahin hai.

Poco F1 ke camera mein aapko panaroma, HDR aur AI features bhi milte hain. Iska front camera 20 MP ka hai, aur ye aapko above average quality selfie pics offer karta hai. Achhi light mein front camera ka result bhi achha hi hai aur portrait mode mein kaafi achha bokeh effect dekhne ko milta hai.

OnePlus 6T ki baat karein to, filhaal flagship smartphones mein jo trend aa raha hai, yaani ki triple rear camera, wo OnePlus 6T ne nahin diya hai. Yahaan aapko 16+20 MP ka dual rear camera setup milta hai, jo f/1.7 aperture, Sony IMX519 sensor (main), Sony IMX376K sensor (secondaryt), dual tone LED flash, OIS, EIS aur 480fps slo-mo jaise features ke saath aayega.

Iske alawa OnePlus 6T ne camera mein is baar Nightscape mode bhi announce kiya hai, jo ki 2 seconds mein up to 10 frames click kar sakta hai. Is mode mein bhi images thodi ajeeb lag rahin hain. Lekin daytime mein OnePlus 6T ki images waakyi bahut impressive hain. Inmein aapko amazing details, accurate aur natural colors, sharpness dekhne ko milti hai. Iska portrait mode bhi object ko achhe se focus karke, good quality ki image deliver karta hai.

Wahin iska front camera 20 MP ka hai, jismein aapko achhi details aur good amount of light dekhne ko milti hai.

OnePlus 6T Camera Samples

Poco F1 Camera Samples

Battery

OnePlus 6T mein 3700mAh ki battery Dash Charge technology ke saath di gayi hai. Jabki Poco F1 mein 4000mAh ki battery, fast charging ke saath aati hai. Mixed usage ke saath Poco F1 ki battery aaram se aapko two days ka battery backup deti hai, jabki charging, Dash Charge ke mukaable thodi slow hai.

OnePlus 6T, two days nahin, lekin ek poora din aapka saath deta hai, Dash Charge technology, actually fast hai. Ye kewal 40 minutes mein OnePlus 6T ko 65% tak charge kar deta hai.

Price And Availability

Poco F1 ke 6GB+128GB version ki cost 21,999 INR hai, jabki OnePlus 6T ka same version 37,999 INR mein available hai.

Iske alawa Poco F1 mein 6GB+64GB options aapko 20,999 INR mein aur 8GB+256GB storage ke saath Armoured Edition 27,999 INR mein mil sakta hai.

Jabki OnePlus 6T ka 8GB+128GB version, 41,999 INR mein aur 8GB+256GB variant 45,999 INR mein mil jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: