OnePlus 6T McLaren Special Edition Smartphone Ki Launch Date Revealed: 10GB RAM & 256GB Storage Ke Saath Ye Hain Expected Price

Kuch hi dinon pehle, OnePlus ke Britain-based auto company McLaren ke saath apni partnership announce kit hi aur aaj company ke OnePlus 6T ke special edition smartphone ka teaser launch kiya hai.

OnePlus 6T ke baar mein to aap jaante hi hain, lekin ab company is smartphone ka McLaren Special Edition launch karne jaa rahi hai, jiski date bhi saamne aa chuki hai.

Mysmartprice blog ke according, OnePlus 6T McLaren Special Edition ko sabse pehle London mein 11th of December ko launch kiya jayega. Iske theek ek din baad, yaani ki 12th December ko ye smartphone India mein aayega. Iski teaser image aap neeche dekh sakte hain, jismein OnePlus ne apni tagline “unlock the speed” ko nayi tag line “Salute To Speed” se replace kiya hai.

Oppo ke Lamborghini Edition aur Huawei ke Mate 20 Porsche Edition ke baad, finally OnePlus ne bhi leading auto company McLaren ke saath, ek special edition launch karne ki taiyaari ki hai.

OnePlus 6T McLaren Special Edition ke features ki baat karein to iske specs 6T se similar hi honge. Lekin yahaan par aapko 10GB RAM ke saath 256GB ki inbuilt storage milne ki ummid hai. Saath hi is smartphone mein rear panel par aapko McLaren ka logo bhi milega.

Iske alawa ismein in-display fingerprint sensor hoga, full HD+ Optic AMOLED display, Snapdragon 845 chipset aur 3700mAh ki battery mil sakti hai.

Ab iske expected price ki baat karein to, OnePlus 6T McLaren Special Edition ka expected price 45,999 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: