OnePlus 6T Launched: 5 Good And Bad Things About This Flagship Smartphone

OnePlus ka global launch event final NewYork mein aaj hua hai, jismein company ne apna latest flagship smartphone OnePlus 6T announce kiya hai. Well, is smartphone ke specs kaafi had tak leak ho chuke hain, lekin phir bhi company ne kaafi new features ke saath apne fans ko surprise karne ki koshish ki hai.

Aaiye dekhte hain ki kya hain OnePlus 6T ke top features.

Top 5 Features & Positive About OnePlus 6T

Fastest Fingerprint scanner

OnePlus 6T mein in-display fingerprint scanner hai aur khaas baat ye hai ki ye world ka fastest in-display fingerprint sensor hai, jo aapke handset ko 0.34 seconds mein unlock karta hai.

Display

OnePlus 6T mein 6.41 inch ki full HD+ AMOLED display hai, jo ki 19.5:9 aspect ratio, 402 pixels per inch, 600 nits brightness aur waterdrop notch ke saath di gayi hai. Saath hi ab tak aap OnePlus smartphones mein home buttons dekhte aaye hain, jo ki OnePlus 6T mein nahin hai aur bottm bezel bhi kaafi thin kar diya gaya hai. Itni badi display ke saath bhi smartphone aapko kaafi comfortable lagega. Saath hi ismein five display modes hain jinmein Default, sRGB, DCI-P3, Adaptive mode aur Custom color, shaamil hai. To aapko jaisi display chahiye, waisi choose kijiye.

Camera

OnePlus 6T mein  16+20 MP ke dual rear cameras hain, ye to aap pehle hi jaan chuke hain. Ye cameras, f/1.7 aperture, flash light, OIS, EIS, 480fps slo-mo videos jaise features ke saath aayenge. Is smartphone mein 16 MP ka front facing camera hai.

Camera mein is baar two new features include kiye gaye hain. Pehla hai ‘nightscape feature’ jo ki low-light photography ko improve karta hai. Company ke according wo apne is phone mein low-light photography ko improve karne ke liye pichle 6 months mein kaam kar rahi thi, jiska result hai ‘nightscape’. Doosra feature jo add kiya gaya hai, wo hai ‘Studio lighting’. Is feature ko Kevin Abosch, jo ki ek photographer aur OnePlus Innnovation Director hain, ne ijaat kiya hai. Ye feature portrait mode ko aur behtar banaane mein helpful hoga.

Performance

OnePlus 6T mein Octa Core Snapdragon 845 processor diya gaya hai. Iske saath aapko Android 9.0 Pie software milta hai. Company ne apne is flagship device ka comparison Samsung ke Note 9 se kiya hai aur performance wise OnePlus 6T ko behtar bataaya hai.

Company ke according, Other premium handsets ke mukaable, OnePlus 6T mein PUBG jaise heavy games 20% fast upload hote hain.

 

Battery

OnePlus 6 ke mukaable, OnePlus 6T mein aapko 23% battery life jyada milti hai. Ismein 3700mAh ki battery hai, jo Dash Charge support ke saath aayegi.

Negative Points

No Audio jack

Hum sabhi jaante hain, ki audio jack phone mein kya importance rakhta hai, lekin OnePlus 6T mein 3.5mm audio jack nahin hai. Music ke liye aapko USB Type-C earphones ka hi istemaal karna hoga, yaani ki ya to charge kijiye, ya music.

No Notification LED

Agar aapke smartphone par koi notification aayi hai aur apke aane tak display off ho jaati hai, to notification light se pata chal hi jaata hai. Lekin OnePlus 6T mein koi notification light nahin di gayi hai. Waterdrop notch hai, jismein sirf camera hai.

No Wireless charging

Wireless charging ek aisa feature hai, jo aaj-kal trendy hai aur premium smartphones mein expected hai. Lekin yahaan aapko fast charging to milti hai, lekin wireless charging support nahin hai.

No water or dust resistance

Halaanki company apne smartphone ko durable bataati hai. Lekin OnePlus 6T water ya dust resistance ke liye kisi IP rating ke saath nahin aata.

Price And Storage Variants

  • 6GB+128GB – 549 US Dollars
  • 8GB+128GB – 579 US Dollars
  • 8GB+256GB – 629 US Dollars
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: