OnePlus 6T Ki Battery Capacity Leak Hui: India Mein 17th October Ko Launch Hoga

OnePlus 6T – Rumors, Rumors and rumors ! OnePlus 6T ki baat karte hi, hazaaron rumors saamne aate hain. Well, launch ab door nahin hai aur iske specs bhi reveal hone lage hain. Pehle Amitaabh Bachhan ji is handset ko advertisement mein promote karte nazar aaye, phir official teaser se in-display fingerprint scanner confirm hua. Phiri ski launch date saamne aayi hai.

Ab aap yahi soch rahe hai na, ki ab kaun sa specs saamne aaya hai. Aaiye bataate hain.

Darasal, OnePlus 6T ki battery capacity se bhi parda uth chuka hai. Power cell par lage label ka ek photo leak hua hai jismein OnePlus 6T ki battery capacity saaf likhi nazar aa rahi hai. Aap neeche di gayi tasveer mein saaf dekh sakte hain ki OnePlus 6T 3700mAh ki battery ke saath aayega. Aur ye to aap jaante hi hain ki ismein Dash Charging technology support bhi hoga.

Ye leaed photo, China k eek leakster ke social media platform Weibo par share ki hai. Kaha ye jaa raha hai ki iski typical battery 3700mAh hai, jabki minimum ye 3610mAh ki hai.

Iske alawa OnePlus 6T mein aapko Octa Core Qualcomm Snapdragon 845 processor milne wala hai. Saath hi ismein 4GB / 6GB / 8GB RAM options aur 64GB/ 128GB/ 256GB internal storage options launch hone ki ummid hai.

Is upcoming flagship smartphone mein Android ka latest version Android 9.0 Pie OS aayega aur ye waterdrop notch display ke saath launch kiya jaa sakta hai.

Halaanki handset kaafi powerful lag raha hai, lekin iska major drawback hai, 3.5mm audio jack ka naa hona.

Hopefully, launch tak iske aur bhi features leak ho sakte hain, jinki jaankaari hum aapko dete rahenge.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: