OnePlus 6T Ki Availability Date Reveal Hui; Isi Month Mein 17th October Ko Launch Hone Wala Hai Ye Smartphone

OnePlus 6T, company ka next flagship hai, jo ki OnePlus 6 ke thik 5 months ke baad launch hone jaa raha hai. Is smartphone ke jo design ya specs leaks mein nazar aaye hain, kaafi impressive hain aur isi wajah se iska intezaar sabhi ko hai. Filhaal aaj ki taaza khabar ye hai, ki Amazon India ki listing ke through ab is smartphone ki availability bhi reveal ho chuki hai.

OnePlus 6T, ek Amazon exclusive smartphone hoga, jiska teaser page is website par live ho chuka hai aur wahaan aapko ‘Notify Me’ ka option bhi nazar aata hai. Lekin neeche di gayi Amazon listing mein aap dekh sakte hain ki OnePlus 6T ke pre-orders October 30th ko khatam ho jayenge aur iska matlab ye hain ki, yahi wo date hai, jab ye handset market mein available hoga.

Filhaal iske specs par ek nazar daalein, to OnePlus 6T mein 6.41 inch ki full HD+ AMOLED display aayegi au rise power dene ke liye Octa Core Snapdragon 845 chipset hoga. Ismein 8GB tak ke RAM options honge aur saath hi 256GB tak ke storage variants launch kiye jaa sakte hain.

Ye upcoming handset, dual rear cameras aur in-display fingerprint scanner ke saath aayega. Ismein aapko Android 9.0 Pie software milega, saath hi iski battery capacity bhi 3700mAh hai, yaani ki OnePlus 6 ke mukaable 10% jyada.

Iske alawa ismein USC Type-C port hoga aur handset ke saath aapko box mein USB Type-C earphone bhi saath milne waale hain.

Other details ke liye, aap jude rahiye hamaari website se aur hum aapko sabhi updates pahunchaate rahenge.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: