OnePlus 6T Ke Top 5 Alternative Smartphones Jinhein Aap Kharid Sakte Hain

OnePlus 6T India mein launch ho chuka hai, starting price bhi aap jaante hain ki 37,999 INR hai. Bahut se logon ko ye kaafi pasand aaya hai, lekin wahin IP rating, 3.5mm audio jack aur notification LED light jaise features ismein naa hone ki wajah se, kaafi log ise naa pasand bhi kar rahe hain.

Well, agar aapko bhi OnePlus 6T se kaafi ummidein thi, jo kuch features remove hone ki wajah se poori nahin hui hain aur aap abhi bhi ek perfect phone ki talaash mein hain, to hum aapke liye yahaan kuch suggestions lekar aaye hain.

OnePlus 6T ki price range mein ya phir similar specs ke saath India mein aur bhi kayi achhe smartphones hain, jinhein aap OnePlus 6T ki jagah choose kar sakte hain.

OnePlus 6

OnePlus 6T ka sabse best aur first alternative hum OnePlus 6 ko hi kahenge, kyunki ismein aapko aur kam price mein notification light, audio jack, Snapdragon 845 processor, full HD+ AMOLED display aur ek decent battery milti hai. Halaanki ismein aapko rear mounted fingerprint sensor milta hai, lekin wo in-display fingerprint sensor ke mukaable fast hai. 34,999 INR ke price mein aapko yahaan kaafi kuch milta hai. Halaanki iski display 6.28 inch hai, slightly smaller hai aur battery 3500mAh ki hai, lekin saath hi Dash Charge technology ke saath aap use kaafi tezi se charge kar sakte hain.

Iske alawa OnePlus 6 mein notch thodi badi hai, jabki 6T mein waterdrop notch hai.

LG G7+ ThinQ

LG G7+ ThinQ bhi is price range mein ek achha option hai. G7+ ThinQ ka sabse bada plus point ye hai ki is price range mein aapko yahaan full HD+ nahin, balki Quad HD+ display, 19.5:9 aspect ratio ke saath milti hai. Ismein bhi 6GB+128GB storage option hai, jise aap 39,990 INR mein purchase kar sakte hain. Iske alawa ismein dual 16 MP rear cameras hain, rear mounted fingerprint scanner hai aur 3000mAh ki display hai, jo fast charging aur wireless charging support ke saath aati hai. Snapdragon 845  chipset par chalne waale is smartphone mein aapko water aur dust resistant ke liye IP rating bhi milti hai aur audio jack bhi hai.

ASUS Zenfone 5Z

Ye ek aisa handset hai jo kewal 25,000 INR mein aapko 6.2 inch ki full HD+ display aur Snapdragon 845 processor jaise features ke saath milta hai. OnePlus 6T ke 6GB+128GB variant ki kimat jahaan 37,999 INR hai, wahin Zenfone 5Z ka 6GB+128GB version is samay Flipkart par 27,999 INR mein available hai, yaani ki 10,000 INR ki bachat. Iske alawa ismein 12+8 MP ke dual rear cameras hain, 8 MP ka frontal sensor hai, 3300mAh ki battery hai ASUS BoostMaster fast charging aur AI charging ke saath di gayi hai.

Is phone ke baare mein aap keh sakte hain ki camera iska OnePlus 6T se better nahin hai aur battery bhi choti hai, lekin wahin iski kimat bhi OnePlus 6T se kaafi kam ho jaati hai.

Vivo Nex

Vivo ka Nex bhi OnePlus 6T ka strong competitor saabit ho sakta hai, halaanki iski price thodi si OnePlus 6T ke base variant se jyada lag sakti hai, lekin ismein sirf 8GB+128GB version available hai. To agar aap ise OnePlus 6T ke 8GB+128GB option se compare karein to aapko price mein khaas antar nahin milega. OnePlus 6T ka ye version 41,999 INR mein available hai, jabki Vivo NEX ka yahi options 44,990 INR mein mil raha hai.

Iske alawa ismein battery bhi 4000mah ki hai, 6.59 inch ki full HD+ Super AMOLED display hai, Snapdragon 845 processor hai, aur 12+5 MP ka dual rear cameras hain. Saath hi ismein in-display fingerprint scanner aur dual 4G VoLTE support bhi hai.

Poco F1

Xiaomi ka Poco F1, OnePlus 6T ka sabse affordable alternative hai, jismein full HD+ display, Snapdragon 845 processor, 12+5 MP dual rear cameras, 20 MP front camera aur fast charging support ke saath 4000mAh battery jaise features hain. Iske 6GB+128GB version ka price 23,999 INR hai, jabki 8GB+256GB version ki kimat 28,999 INR hai.

Lekin iska design premium nahin hai aur saath hi ismein rear mounted fingerprint reader diya gaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: