OnePlus 6T Ke Baad, Company Launch Karne Jaa Rahi Hai OnePlus TV, CEO Ne Bataaya Kab Launch Hogi Ye TV

OnePlus 6 ki success aur achhe response ke baad, fans ko a OnePlus 6T ki announcement ka intezaar hai. Well, hazaaron tarah ke rumors ke baad, logon ke beech is smartphone ki excitement badhti jaa rahi hai. Lekin ye kya ! Yahaan to company ne apne fans ke liye ek surprise announcement karte huye, OnePlus TV ke baare mein baataya hai.

Sahi padh rahe hain ! Darasal, OnePlus ke CEO, Pete Lau ne company forum par OnePlus TV ke baare mein announce kiya hai. Unke according, wo apni nayi smart TV ke saath home environment ko next level par le jaana chahte hain. Isiliye wo premium design, amazing image quality aur behtareen audio experience ke saath jaldi hi OnePlus TV launch karne ki planning kar rahe hain.

Company ke CEO ne aur koi jaankaari, is TV ke baare mein reveal nahin ki hai. Halaanki unhone ye bataaya hai ki aane waale samay mein 5G aur AI enhancements kis tarah se hamaare ghar ke entertainment ke saadhnon ko aur behtar banaane mein help karenege. Aur OnePlus ka ye naya aane waala television bhi inhin advance features ke saath aayega.

OnePlus TV filhaal apne development ke early stages mein hai aur company ke according ise next year launch kiya jayega. Iske alawa Petel Lau ne bataaya ki is aane waali television mein AI aur voice commands bhi include kiye jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: