OnePlus 6T Ka In-display Fingerprint Scanner Phone Unlock Ke Alawa Bhi Karta Hai Ye Kaam: Tips And Tricks

OnePlus 6T ko launch huye, 2 weeks se jyada ho chuke hain. Is smartphone ke sabhi specs logon ko bahut pasand aaye hain, jaise ki full HD+ display, waterdrop notch, SD 845 chipset, 3700mAh battery, dual rear cameras, etc. Lekin is flagship smartphone ki highlight hai, iska in-display fingerprint sensor, jise company sabhi in-display fingerprint reader ke saath aane waale smartphones se fast bata rahi hai.

Lekin kya aap jaante hain ki OnePlus 6T ke in-display fingerprint sensor se aap phone unlock karne ke wala aur bhi kaafi kuch kar sakte hain.

Quick Launch Shortcuts

OnePlus 6T ke in-display fingerprint sensor se unlock karte samay aap directly kuch apps ya system shortcuts ko access kar sakte hain. Aisa karne ke liye fingerprint sensor se unlock karte samay apni finger display se naa uthaayein, isse directly quick launch bar open ho jayegi, jis par aap apni wahi finger swipe karke six apps ya system shortcut ko select karke directly open kar sakte hain.

Ye six apps aap khud chun sakte hain. Sabse pehle Settings mein jaayein > Utilities mein jaayein > Quick launch ka option select karein. Yahin se aap shortcut settings par jaayein aur six apps ya system shortcut chunein, jinhein aap Quick launch bar mein add karna chahte hain.

In-display fingerprint sensor animation effect

 

Iske alawa OnePlus 6T ke in-display fingerprint scanner ke animation effect ko bhi aao change kar sakte hain. Iske liye bhi aap pehle Settings mein jaayein > security & lock screen option par jaayein > fingerprint > apna PIN enter karein > fingerprint animation effect option par jaayein.

Generally ismein Cosmos effect, selected hota hai, lekin yahaan iske alawa Wave aur Stripe effects bhi hain, jinhein aap select kar sakte hain.

Double Tap To Wake Up

OnePlus 6T ko in-display fingerprint sensor se unlock karne ke liye display par aapko ek icon bana nazar aata hai, jis par aapko apni registered fingerprint touch karni hoti hai. Lekin ye icon aapko display par tabhi show hota hai, jab phone ko aap haath mein pakadte hain.

Lekin kya aap jaante hain ki, bina phone haath mein uthaaye bhi aap is display ko wake up kar sakte hain. Iske liye aap settings mein jaayein > security & lock screen option par jaayein > fingerprint option choose karein > tap the screen to show ka option chunein. Iske baad agar aapka phone table par pada hai aur aap uski display par kahin bhi double tap karte hain, to display on ho jayegi aur aapko wo icon nazar aayega, jis par fingerprint touch karke aapka phone unlock hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: