OnePlus 6T Ka First Official Teaser Video Saamne Aaya, Saath Hi Company Ne Announce Kiya Ek Contest

OnePlus 6T ka official launch ab kuch hi din door hai aur dheere dheere isko lekar market mein rumors badhte hi jaa rahe hain. TV advertisement ke baad, aaj company ne bhi OnePlus ka official teaser release kar diya hai.

Is teaser ko company ke Twitter par apne official account ke through share kiya hai. Ye video teaser kewal 5 seconds ka hai, jismein ek shield mein aapko ‘T’ bana dikhaayi dega aur saath hi tag line hai “Unlock the future”.  Isi ke saath Tweet karte huye likha hai – “OnePlus 6T. Its coming.”

India mein is smartphone ko 17th October ko launch kiya jayega, aur iske kaafi specs bhi saamne aa chuke hain, jinmein waterdrop notch display, Snapdragon 845 chipset, dual rear cameras, in-display fingerprint scanner aur 3700mAh ki battery shaamil hain.

Isi ke saath company ne ek “The LAB – OnePlus 6T Edition” contest bhi announce kiya hai, jismein 10 lucky logon ko is smartphone ke launch se pehle hi, ise dekhne aur uska first experience karne ka mauka milega.

Agar aap bhi is contest mein participate karna chahte hain, to neeche diye link par click karein, aapko yahaan saari information mil jayegi.

OnePlus Forum

Is contest mein jo 10 lucky participants select kiye jayenge, unhein company ki taraf se review units bheje jayenge aur uske baad unhein apne experience OnePlus community par share karne hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: