OnePlus 6T Galati Se Hua Pre-Order Ke Liye Available: Specs Aur Price Leak

OnePlus 6T ka first official teaser kal hi aaya hai aur aaj is smartphone ke full specs price ke saath leak ho gaye. Darasal, hua ye doston, ki OnePlus 6T, galati se hi sahi, lekin pre-orders ke liye ek website par list kiya gaya hai. Yahin se iske sabhi specs leak ho gaye hain.

OnePlus 6T, company ka first smartphone hoga, jo ki under-display fingerprint scanner ke saath aane waala hai. Aur company ne ise kal hi confirm bhi kiya hai, saath hi iski launch date bhi announce ki hai, jo ki October 17 hai.

Aaj jis website par OnePlus 6T nazar aaya hai, uska naam Giztop hai. fingerprint sensor, under the display hoga, uske alawa khaas khabar ye hai ki ismein triple rear cameras bhi nazar aa rahe hain, jismein 12 MP main camera, 20 MP secondary camera aur TOF 3D camera, jo ki depth focusing ke liye diya gaya hai.

Saath hi, ye bhi saaf hai ki, OnePlus 6T mein Octa Core Qualcomm Snapdragon 845 chipset ke saath, Adreno 630 GPU hoga. Iske alawa ismein 6.4 inch ki full HD+ AMOLED display hogi, jo ki 91.5 screen to body ratio ke saath di jaayegi.

 

Achhi baat ye hai ki ye smartphone, 6GB aur 8GB RAM options ke saath, 64GB / 128GB / 256GB storage variants mein launch kiya jaa sakta hai, aisa is website par dikhaayi de raha hai.

Is flagship smartphone, OnePlus 6T mein haal hi mein launch hua Android 9.0 Pie software diya jaygea jo ki Oxygen OS ke saath aayega.

Sabse khaas baat hai, ki iski pricing detail bhi leak ho chuki hai, jo ki US$ 569 (41,000 INR) se start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: