OnePlus 6 Vs Vivo X21 Detailed Comparison: Faster Chipset Ya In-Display Fingerprint Scanner, Aapko Kya Chahiye ?

Last month launch huye OnePlus 6 aur Vivo X21, dono hi premium smartphones hain. OnePlus 6 Amazon exclusive device hai jiski kimat 34,999 INR se shuru hoti hai, jabki Vivo X21 exclusively Flipkart par available hai aur iska price 35,990 INR hai. Well, agar aapki bhi yahi pareshaani hai ki is budget mein dono mein se kaun sa smartphone kharidein to jawaab iske detailed comparison mein aapko mil sakta hai.

Design and Build Quality

OnePlus 6 aur Vivo X21 ke designs mein differentiate kar paana thoda mushkil hai. Dono hi smartphones mein aapko notch display, narrow bezels ke saath di gayi hai. Dono hi smartphones ka rear panel, glass finish ke saath aata hai, edges curved jiski wajah se grip ya hold karne mein koi pareshaani nahin hai. Ek chota saa difference jo aap dekh sakenge wo ye hai ki Vivo X21 mein left corner par dual rear camera setup hai, jabki OnePlus 6 mein dual rear cameras aur fingerprint scanner center mein moujood hai. Halaanki OnePlus 6 ke other variants jinki price is variant se higher hai, unka glass finish aapko ek unique aur attractive look deta hai, lekin uske liye aapko 39,999 INR wala variant choose karna hoga.

Display

OnePlus 6 aur Vivo X21 mein display size bhi same hai jo 6.28-inch hai. Iske alawa dono hi smartphones mein aapko notch ke saath AMOLED displays di gayi hain, jinmein full HD+ resolution hai. To yahaan par dono ko compare kar paana zara mushkil hai. Halaanki OnePlus 6 mein aapko kuch options milte hain jinse aap display ke colors mein slight changes kar sakte hain aur notch bhi on ya off kar sakte hain, jabki Vivo X21 mein aapko ye options nahin diye gaye hain.

Hardware and Software

OnePlus 6 mein Qualcomm ka latest flagship chipset Snapdragon 845 aur iske saath Adreno 630 GPU milta hai, jabki Vivo X21 mein 1,000 INR extra pay karke bhi aapko Snapdragon 660 processor aur Adreno 512 GPU diya gaya hai. Zaahir hai ki OnePlus 6 ka performance comparatively Vivo X21 se kaafi hadd tak behtar hai aur saath hi ismein aapko 6GB / 8GB LPDDR4X RAM di gayi hai, jabki Vivo mein 6GB ki LPDDR4 RAM hai. Storage dono hi smartphones mein 128GB di gayi hai. Lekin OnePlus 6 mein microSD card slot nahin hai, jabki Vivo X21 mein aap storage ko microSD card dwara badha sakte hain.

Software ki baat karein to, dono mein Android 8.1 Oreo OS hai jis par OnePlus 6 mein Oxygen OS hai aur Vivo X21 mein FunTouch OS. Lekin yahaan par bhi OnePlus 6 ka Oxygen OS hi jyada better feel deta hai.

Camera

Dono mein hi dual rear cameras hain, OnePlus 6 mein 16 ka primary rear camera, f/1.7 aperture, Sony IMX519 sensor, dual LED flash ke saath aayega aur secondary camera 20 MP ka hai jo f/1.7 aperture, Sony IMX376 sensor aur slo-mo features ke saath diya gaya hai. Wahin doosri taraf, Vivo X21 mein 12 + 5 MP ka dual rear camera setup hai jismein f/1.8 aperture, LED flash light, AI HDR aur f/2.5 aperture (secondary camera) jaise features hain.

Front camera bhi Vivo X21 ka 12 MP resolution, aur f/2.0 aperture ke saath aata hai. Jabki OnePlus 6 mein 16 MP ka frontal sensor, screen flash aur f/2.0 aperture ke saath moujood hai. Saath hi dono mein face unlock feature bhi aapko diya gaya hai.

Well, agar on-papers dekhein to OnePlus 6 ka camera better hai, lekin picture quality aapko Vivo X21 ke rear camera se jyada behtar milti hai. Jee haan ! ye sahi hai ki Vivo X21 ka dual rear camera, OnePlus 6 se thoda sa hi sahi, lekin better result deta hai. Jabki front camera OnePlus 6 ka jyada achha hai. Vivo X21 ke front camera se selfie lene par aapko details to achhi milti hain, lekin colors natural nahin hai aur saath hi iska beautify mode bhi aapko unnatural aur artificial si taveerein deta hai.

Battery

OnePlus 6 mein 3300mAh ki battery hai aur X21 mein 3200mAh ki. Saath hi ek mein dash charging support hai aur doosre mein fast charging technology. Battery capacity mein kuch khaas difference nahin hai, lekin OnePlus 6 ka Dash charging, Vivo X21 ke fast charging support se jyada fast hai.

Fingerprint scanner

Vivo X21 India mein first smartphone hai jo in-display fingerprint scanner ke saath launch hua hai, jabki OnePlus 6 mein aapko wahin purana rear mounted fingerprint scanner milta hai. Halaanki rear mounted OnePlus 6 ka fingerprint scanner Vivo ke fingerprint sensor se fast hai, wahin Vivo X21 ka in-display fingerprint reader easy-to-use hai.

Storage, Price And Availablity

OnePlus 6 Amazon par available hai, jabki Vivo X21 Flipkart exclusive hai.

OnePlus 6 with 6GB RAM ka price 34,999 INR hai aur 8GB RAM version ki kimat 39,999 INR hai.

Vivo X21 ka kewal ek hi variant launch hua hai jo 6GB RAM aur 128GB ROM ke saath 35,990 INR mein available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: