OnePlus 6 Vs Honor 10 Comparison: Which One Is Best Performer ?

OnePlus 6 ke India launch ke aas-paas hi kuch aur smartphones bhi isi price range mein launch huye hain jinka comparison iske saath kiya jaa raha hai aur unhin mein se ek hai Honor 10. Honor 10 ko May 15, ko India mein launch kiya gaya aur iski kimat hai 32,999 INR. Honor 10 ek Flipkart exclusive smartphone hai jiski khaasiyat hai uske AI cameras aur uska ultra-sonic fingerprint sensor. Saath hi iske color options bhi attractive hain. Wahin OnePlus 6 ek Amazon exclusive hai aur latest flagship chipset ke saath launch hua hai, jiske standard variant ki kimat 34,999 INR hai. Agar aap bhi in dono smartphones mein se koi ek choose karna chahte hain to yahaan inki comparative detailed information dekhna naa bhoolein.

Design and Build Quality

Honor 10 mein rear panel par premium quality ka polished metal frame hai jis par 2.5D curved glass lagaaya gaya hai. iPhone X jaisa premium feel dene waale is rear glass par fingerprints aasaani se ban jaate hain aur saath hi ye slippery bhi hai.

OnePlus 6 mein bhi aapko glass rear panel hi milta hai aur saath hi ismein three color options hain aur uske alawa ek Avangers edition jismein rear par aapko avengers ka logon milega. Agar comparison ki baat karein to same price range mein aapko OnePlus ka kewal Mirror Black color option hi milta hai jo kaafi jyada reflective hai. Ye bhi dekhne mein ek premium feel deta hai, lekin saath hi slippery bhi hai. Dono smartphones mein slim bezels ke saath aage full HD+ display di gayi hai. Lekin Honor 10 mein display ke neeche fingerprint scanner hai aur OnePlus 6 mein ye sensor rear panel par moujood hai.

Display

OnePlus 6 mein aapko 6.28-inch ki AMOLED display milti hai jis par Corning Gorilla Glass 5 protection moujood hai. Jabki Honor 10 mein screen size 5.84-inch hai aur ye ek LCD display hai jo 2.5D curved glass ke saath aayegi. Dono smartphones ki display 19:9 aspect ratio ke saath aati hain, lekin OnePlus 6 mein 402ppi pixel density milti hai, jabki Honor 10 mein ye 432 ppi hai.

In dono smartphones mein aapko notch display milti hai, lekin OnePlus 6 aapko notch off karke bhi smartphone use karne ka option deta hai, jabki Honor 10 mein wo nahin hai. Lekin Honor mein full HD+ display ke saath aap settings mein jaakar ise HD+ resolution mein bhi use kar sakte hain jisse battery lambi chalegi. Iske alawa dono hi smartphone aapko ek achha full view display experience dete hain, dono mein colors aur brightness bhi achhi hai, lekin Honor 10 ki display kaafi reflective bhi hai.

Hardware and Software

OnePlus 6 mein 2.8 GHz Octa Core Qualcomm Snapdragon 845 processor moujood hai, jiske saath Adreno 630 GPU hai. OnePlus 6 mein aapko koi bhi aap use karni ho ya games khelne ho, performance se aapko koi shikaayat nahin hogi. Faster chipset ke saath ye handset aapko 8GB tak ki RAM aur 256GB storage options deta hai.

Wahin doosri taraf, Honor 10 mein Octa Core Kirin 970 processor moujood hai jismein Mali-G72 MP12 graphics processing unit hai. Ye smartphone bhi sabhi cheezein aaram se aur bina kisi lag ke handle kar paa raha hai, fir chahe wo games ho ya roz use hone waali apps, lekin ismein thoda heating issue aapko zaroor milega. Chipset iska bhi fast hai, lekin overall performance mein OnePlus 6 ka chipset isse thoda aage hai.

OnePlus 6 mein Android 8.1 Oreo par Oxygen OS hai aur Honor 10 mein EMUI 8.1. Aur dono smartphones ke software ki performance achhi hai.

Camera

Yahaan pehle Honor 10 ki baat karte hain, kyonki ismein AI camera moujood hai. Iska front camera 24 MP ka hai, jabki OnePlus 6 mein front camera 16 MP resolution, f/2.0 aperture aur Sony IMX371 sensor ke saath aata hai. Yahaan thoda sa aapko hairaani hogi kyonki 24 MP resolution ke baad bhi OnePlus 6 ka front camera aapko thodi si isse better pictures deta hai. Dono smartphones mein aapko bokeh effect milta hai jo achha kaam kar raha hai. Lekin Honor 10 ka AI feature yahaan kuch khaas result nahin deta. AI ke saath click karne par aapko unnatural colors milte hain.

Rear camera bhi Honor 10 mein 16 + 24 MP hai, jabki OnePlus 6 mein 16 MP primary aur 20 MP secondary camera hai. Dono smartphones ke camera aapko acchi lighting aur detailing ke saath tasveerein capture karke dete hain, lekar phir bhi OnePlus 6 mein aapko colors kaafi achhe milte hain aur Honor 10 mein AI enhancement on karne par oversaturated colors ke saath photo aati hai. Phir bhi, Honor 10 mein AR stickers, 3D portrait lighting mode jaise features iske camera app ko achha banaate hain. Lekin OnePlus 6 mein in sabke bina bhi aapko clear pictures aur good detailing ke saath images milti hain.

Battery

Honor 10 mein 3400mAh ki battery, fast charging ke saath di gayi hai, jo ki poori tarah se ek din bhi nahin chal paati. Saath hi fast charging support ke baawjood ise full charge karne mein lagbhag 2 ghante ka time lagta hai. Iske opposite One Plus 6 mein 3300mAh ki battery Dash Charging support ke saath di gayi hai, jo ki mixed usage ke baad bhi aaram se 1 din se jyada chalta hai aur takreeban 1 hour 20 minutes mein full charge ho jaata hai.

Storage, Pricing And Availability

Honor 10 6GB RAM aur 128GB ROM ke saath 32,999 INR ki kimat par Flipkart se liya jaa sakta hai.

OnePlus 6 ka 6GB RAM aur 64GB ROM version 34,999 INR mein aur 8GB RAM ke saath 128GB storage variant 39,999 INR mein Amazon se liya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: