OnePlus 6 Vs Samsung Galaxy S9 / S9 Plus Detailed Comparison: Kis Smartphone Ko Kharidna Hoga Smart Decision ?

OnePlus 6 jo ki pichle mahine hi India mein aaya hai, ek flagship killer hai. Is smartphone mein 6GB standard version ke alawa 8GB RAM ka high-end version bhi launch kiya gaya hai. Saath hi iske avengers edition mein 8GB ki RAM aur 256GB storage moujood hai jiski kimat 44,999 INR hai. Lekin higher price range mein is smartphone ke saath Samsung S9 / S9 Plus ko bhi compare kiya jaa raha hai, ki kaun sa smartphone inmein se choose karein.

Aaiye jaante hain ki Samsung flagship s9 / S9 Plus behtar hai ya OnePlus 6 kharidna smart decision hai ?

Design and Build Quality

Samsung ke S9 aur S9 Plus ka design kaafi attractive hai, inke rear panel ka glass bhi curved edges ke saath diya gaya hai jo front par aane waali display ke curved edges se milta dikhta hai aur beautiful look deta hai. Iske alawa IP68 rating ke saath ye dono water resistant smartphone hai aur easy to hold bhi hai. Thanks to its full view display ye aapko compact lagenge aur kaafi premium feel denge.

Doosri taraf, OnePlus 6 bhi glass se hi bana hua hai aur uske rear panel glass ke edges bhi curved hain. Mirror Black edition ke alawa iske Midnight Black aur Silk White colors aapko behad premium feel denge aur saath hi iska Avengers edition bhi kaafi khoobsoorat hai. Halaanki ismein aapko notch display milti hai, jabki Samsung mein ye nahin hai aur OnePlus aapko yahaan par notch off karke bhi smartphone use karne ka option deta hai. Company ka kehna hai ki iski body bhi water resistant hai, lekin koi official certification yahaan par nahin milta.

Display

Display ke maamle mein Samung ke phones hi winner hai. Inmein aapko 5.8 aur 6.2 inches ki displays milti hai Super AMOLED Infinity displays milti hain jo Quad HD+ resolution ke saath aati hain. Jabki OnePlus 6 mein 6.28 inch OLED display, full HD+ resolution ke saath di gayi hai.

Halaanki OnePlus 6 mein 19:9 display hai, jabki Samsung ke smartphones mein 18.5: 9 ratio ke saath display di gayi hai.

OnePlus 6 notch ke saath aapko thodi badi display deta hai, colors aur brightness bhi decent and accurate hain, overall  display quality impressive hai. Lekin Samung ke S9 aur S9 Plus mein QHD+ displays 1000+ nits of brightness aur HDR content offer karti hain, jiski quality OnePlus 6 se slightly better hai.

Hardware and Software

Samsung S9 aur S9 Plus mein Samsung 9 series Exynos 9810 chipset diya gaya hai jo ki powerful processor hai, lekin yahaan par definitely OnePlus 6 mein aane waale Snapdragon 845 processor ne sabko peeche chod diya hai. SD 845 chipset ke saath aapko heavy games, video content aur koi bhi aap chalaane mein koi problem nahin hai, saara din aapka smartphone smoothly run karta hai.

Samsung aur OnePlus dono ke smartphones mein Android Oreo software hai, lekin OnePlus 6 mein is par Oxygen OS bhi diya gaya hai jismein kiye gaye changes heavy usage ke according helpful hain, saath hi new features jo aaye hain wo bhi useful hain. Iske alawa ismein interface ko jyada change na karte huye, Android ke close rakhne ki hi koshish ki hai. Jabki Samsung ke smartphones mein purely Android Oreo hi hai aur overall interface bhi achha hai.

Camera

Aaj ke daur mein camera smartphones ka sabse important part hai jiska comparison hota hai. Galaxy S9 aur S9 Plus ke rear photos, variable aperture feature ke saath kaafi clear aur achhe aate hain, fir chahe lighting conditions kuch bhi ho. S9 mein single rear camera hai, jabki S9 Plus mein dual 12 MP rear cameras hain. On the other hand, OnePlus 6 mein 16 + 20 MP ka dual rear camera setup moujood hai aur ye bhi aapko kaafi achhi detailing ke saath pictures provide karta hai, lekin S9 yahaan par slightly better hain. Halaanki front camera OnePlus 6 mein 16 MP resolution ke saath diya hai, jabki S9 series mein 8 MP frontal sensor hai.

Galaxy S9 aur S9 Plus mein pictures kaafi achhi hai, thanks to variable aperture feature, lekin OnePlus 6 mein aaye HDR feature ke saath ye bhi tasveerein achhi deta hai. Dono smartphones ke camera slow-motion bhi support karte hain.

Battery

OnePlus 6 mein 3400mAh ki battery hai jo ki Dash Charging support ke saath aati hai aur waakyi mein iska Dash Charging support impressive hai jo handset ko 1 hour 20-25 minutes mein full charge kar deta hai aur saath hi din bhar ki mixed usage ke baad bhi ye smartphone completely discharge nahin hota.

On the other hand, S9 / S9 Plus mein 3,000mAh aur 3,500mah ki batteries hain aur ye bhi fast charging ke saath aatin hain, lekin OnePlus 6 ke comparison mein inki battery life itni impressive nahin hai.

Price, Storage and Availablity

OnePlus 6 ka 6GB RAM with 128GB ROM edition 34,999 INR mein available hai, 8GB RAM with 128GB internal memory version 39,999 INR mein available hai aur Marvel Avengers edition 8GB RAM aur 256GB ROM ke saath 44,999 INR ki kimat par milega. OnePlus 6 ek Amazon exclusive device hai.

Samsung Galaxy S9 4GB RAM aur 64GB ki storage ke saath 57,900 INR mein available hai, 4GB RAM + 256GB ROM ke saath 65,900 INR mein milega. Galaxy S9 Plus mein RAM 6GB ki hai aur iske saath 64GB storage variant ki kimat 64,900 INR hai, jabki 256GB version ka price 72,900 INR hai.

Conclusion

Display ko dekhein to QHD+ resolution aur Infinity display ko dekhte huye, S9 / S9 Plus better options hain, lekin processor, battery aur software ko dhyaan mein rakhein to OnePlus 6 hi aage hai. Iske alawa camera results dono smartphones hi achhe dete hain, lekin fir bhi slightly Galaxy S9 aur S9 Plus better hain.

Iske alawa OnePlus 6 mein 6GB aur 8GB ki RAM aapko S9 / S9 Plus ke mukaable kaafi kam kimat mein mil rahi hai. Iske saath S9 mein kewal 4GB RAM hai aur S9 Plus mein 72,000 ki kimat par bhi 6GB RAM aur 256GB ROM ke saath Santosh karna padega, jabki OnePlus 6 mein kewal 45,000 INR mein 8GB RAM aur 256GB ROM ek flagship chipset ke saath mil rahi hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: