October 9 Ko Launch Honge Google Pixel 3 aur Pixel 3 XL; Company ne Send Kiye Invites

Google ki Pixel 3 series ke leaks, logon ke beech in smartphones ki excitement ko badhaate jaa rahe hain. Aise mein company ne aaj inka official launch event announce kar diya hai, jo ki October mein hai. Google Pixel 3 aur 3 XL smartphones, October 9, 2018 ko Spring Studios, NewYork city mein launch kiye jayenge. Is “Made By Google” event ki starting 9th October ko 11AM ET (India mein – 8.30 pm) par hogi.

Pixel 3 aur 3 XL ko flagship chipset Qualcomm Snapdragon 845 processor ke saath launch kiya jayega aur inmein Qi wireless charging support bhi milega. Saath hi inke designs to hum leaks mein dekh hi chuke hain.

Ye dono hi smartphones Android 9.0 Pie OS ke saath aayenge aur inmein single rear camera aur 8 + 8 MP ke dual front cameras moujood honge. Iske alawa Pixel 3 smaller version hai aur rumor hai ki ismein 5.4 inch ki full HD+ AMOLED display aayegi, jabki Pixel 3 XL slightly larger hai aur 6.71 inch ki display ke saath aa sakta hai.

Google Pixel 3 mein 2915mAh ki battery aa sakti hai, jabki 3 XL ki battery capacity 3430mAh ho sakti hai. Iske alawa dono hi smartphones mein 12.2 MP ka rear camera aane ki ummid hai jiske features mein dual tone LED flash light, dual pixel auto focus, f/1.8 aperture, HDR, portrait mode aur panorama mode included hai. Saath hi 8 MP ka primary front camera f/2.2 aperture aur 8 MP secondary camera ke saath aa sakta hai, jo ki depth focus ke liye diya gaya hai.

Storage ki baat karein to dono hi smartphones mein 6GB ki RAM aur 64GB / 128GB storage options aane ki ummid hai.

Well, Google Pixel 3 aur 3 XL ke looks aur complete details jaanne ke liye, humein aur aapko launch event tak ka intezaar karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: