Nubia Red Magic 3, India Mein Snapdragon 855 & Attractive Gaming Features Ke Saath Launch Hua

ZTE brand Nubia ne finally apna gaming smartphone Nubia Red Magic 3 India mein launch kar diya hai. Xiaomi ke haal hi mein launch huye Black Shark 2 se ye phone seedhe compete karne waala hai. Ismein Snapdragon 855 chipset aur 8GB RAM ke saath, ye aapko kewal 35,999 INR ke price par milta hai.

Nubia Red Magic 3 mein 6.65 inch ki full HD+ 19.5:9 AMOLED display moujood hai, ismein bhi aapko OnePlus 7 Pro ki hi tarah 90Hz ka refresh rate milta hai. Ye flagship gaming smartphone, Octa Core Qualcomm Snapdragon 855 chipset ke saath aata hai, saath hi Adreno 640 GPU diya gaya hai.

Nubia Red Magic 3 mein two storage options diye gaye hain. 8GB LPDDR4X RAM ke saath 128GB UFS 2.1 storage hai aur 12GB LPDDR4 RAM ke saath 256GB UFS 2.1 storage hai. Software mein aapko Android 9.0 Pie OS ke saath Redmagic OS 2.0 skin di gayi hai.

Jaise ki ye ek gaming smartphone hai, to aapko Nubia Red Magic 3 mein kaafi gaming dedicated features bhi milte hain. Gaming ke dauraan, phone ko heat se protect karne ke liye ismein state-of-the-art liquid cooling technology hai, jo ek internal turbo fan ke saath aati hai aur ye 500% tak effective heat transfer karti hai, taaki aap achhe se games enjoy kar sake.

Phone mein ye liquid cooling thermal design, performance ko bhi boost karta hai. Iske saath company ne ismein ek “Red Magic Game Space 2.0,” gaming centric dashboard bhi diya hai, jisse aap gaming settings organize kar sakte hain, jaise ki quick launch gaming apps, tune performances, monitor temperature, real time stats, gaming ke duraan notifications block karna, etc.

Nubia Red Magic 3 mein touch sensitive gaming buttons bhi included hain, jinhein aap apne game ke according, configure kar sakte hain. Saath hi iske back panel apr di gayi RGB lighting ko bhi aap, Red Magic ke color editor se apne according, change kar sakte hain.

Ismein aapko rear panel par single 48 MP ka camera, Sony IMX 586 sensor ke saath milta hai aur 16 MP ka front facing shooter bhi yahaan f/2.0 aperture ke saath moujood hai. Ismein aapko rear mounted fingerprint scanner aur 5000mAh ki giant battery, 27W fast charging support ke saath milti hai.

Nubia Red Magic 3 ke 8GB+128GB version ki cost 35,999 INR aur 12GB+256GB variant ka price 46,999 INR hai. Ye Flipkart exclusive smartphone, 27th June se sale ke liye available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: